పైలెట్ రోహిత్ రెడ్డి, స్వామి రామచంద్ర భారతి, నందూకుమార్ లు ఏం మాట్లాడారు..? వారు ఎప్పుడు కలుసుకుందాం అనుకున్నారు..? డీల్ ఎంటీ..?
రోహిత్ రెడ్డి: నమస్కారం స్వామీజీ.. ఎలా ఉన్నారు
భారతి: బాగున్నాను, మీరు ఎలా ఉన్నారు
రోహిత్ రెడ్డి: జీ, నంద జీకి మాకు మధ్య చర్చలు జరుగుతున్నాయి
భారతి: మాకు ఇంకొంచెం వివరాలు కావాలి, అక్కడ మాట్లాడుతాను
రోహిత్ రెడ్డి: నేను ఇప్పటికే వారితో మాట్లాడాను, వారు ఒప్పుకున్నారు
భారతి: నాకు ఒక సారి పేర్లు ఖరారు చేస్తే సులభమైపోతుంది
రోహిత్‌రెడ్డి: స్వామిజీ ఇప్పుడే పేర్లు చెప్పడం కష్టం, ఇప్పటికైతే నాకు ఇద్దరు కన్‌ఫర్మ్ చేశారు
రోహిత్‌రెడ్డి: కానీ ఒకసారి కలిసి మాట్లాడుకుంటే మంచిది
భారతి: కచ్చితంగా కలుద్దాం, 24 వరకు నేను బెడ్‌రెస్ట్‌లో ఉన్నాను, 24 వరకు రాలేను ఆ తర్వాత నన్ను ఒకసారి రమ్మంటావా, హైదరాబాద్ లోనే మీటింగ్ ఏర్పాటు చేసుకుందామా వేరే చోట కలుద్దామా..?
రోహిత్ రెడ్డి: అలా కాదు స్వామిజీ.. సమస్యేంటంటే ఇప్పుడు ఎలక్షన్స్‌ జరుగుతున్నాయి, మీకు తెలుసుకదా… మా మీద కూడా దృష్టి ఉంటుంది, వేరే ప్లేస్‌ వద్దు, హైదరాబాద్‌లో అయితేనే బాగుంటుంది. ఎందుకంటే మేమంతా హైదరాబాద్‌లోనే ఉంటాం కాబట్టి, హైదరాబాద్ బెస్ట్ ప్లేస్‌ మనకు. మీరు కలవాలనుకున్న రోజు సంతోష్ జీ కూడా చార్టర్‌లో వస్తానని నందూ చెప్పాడు. ఒక అరగంట సేపు మనం చర్చించుకోవచ్చు.
భారతి: రేపు ఉదయం నేను సంతోష్‌తో మాట్లాడుతా, బల్క్‌ రెడీగా ఉంటే ఆయన కూడా వస్తారు.
రోహిత్ రెడ్డి: చూడండి స్వామిజీ, నాతో కలిపి ముగ్గురు రెడీగా ఉన్నారు.
భారతి: 24 తర్వాత ఒకసారి నేను హైదరాబాద్ వస్తాను… కూర్చొని మాట్లాడుకుందాం.. అదే రోజు మనం నిర్ణయం తీసుకొని ముందుకెళ్దాం.
రోహిత్ రెడ్డి: ఓకే స్వామిజీ మనం అలాగే చేద్దాం
భారతి: మీరు నందూజీతో ఏదైతే మాట్లాడారో అందులో ఎలాంటి సమస్యా లేదు మిగిలిన విషయాలు మనం మాట్లాడుకోవచ్చు.
రోహిత్ రెడ్డి: నందూజీ నాకు ఈ ప్రపోజల్‌ ఇచ్చారు, నాకు ఓకే. నా రక్షణ నా భవిష్యత్‌పై నందూ నాకు హామీ ఇచ్చారు.
భారతి: కచ్చితంగా ఇదే విషయం మరోసారి మీ ముందే మాట్లాడుకుందాం. ఇందులో సందేహం లేదు, ముందు వచ్చినవారే ముందు వరుసలో ఉంటారు. మీరు వ్యవస్థను బాగా చదివారు… అసలు విషయం ఏంటో కచ్చితంగా తెలుసు.. అందుకే మిమ్మల్ని ప్రమోట్ చేయడం మాకు చాల సులభం.
రోహిత్ రెడ్డి: నేను కూడా ఆసక్తిగానే ఉన్నా, ఇప్పటికే నా గురించి మీ అందరికీ తెలుసు
భారతి: తప్పకుండా మీకు మేం సపోర్ట్‌గా ఉంటాం. అవన్ని మనం ఫోన్‌లో మాట్లాడుకోవడం మంచిది కాదు. ఇందులో ఎలాంటి కన్ఫ్యూజన్‌ లేదు మిగిలిందంతా మేం చూసుకుంటాం. మీరు ఎలాంటి ప్రపోజల్‌ ఇచ్చినా దాని ప్రకారంగా ముందుకెళ్దాం.
రోహిత్ రెడ్డి: నాకేమీ తొందర లేదు, నందూయే రేపు, రేపు అంటూ తొందర పెడుతున్నాడు.
భారతి: మునుగోడు ఉప ఎన్నికల పోలింగ్ కు ముందే చేరితే మరోలా ఉంటుంది. మా ఆర్గనైజేషన్‌లో స్ట్రాంగ్‌ లీడర్‌ కావాలని అనుకున్నాం. అందుకే నేను నందుపై ఒత్తిడి తెస్తున్నా… 4, 5 రోజులుగా నందు నిద్రకూడా పోవడం లేదు. మరో ఇద్దరు, ముగ్గురిని పేర్లు కూడా నందూ తీసుకొచ్చాడు, కానీ వద్దనుకున్నాం. ఈనెల 26న కూర్చుంటే బాగుంటుంది, 25 అయినా పర్వాలేదు.
నందూ: ఈనెల 25న గ్రహణం ఉంది, ఆ తర్వాత మనం ఎప్పుడు కూర్చున్నా బాగుంటుంది. స్వామిజీ మీరు మరోసారి క్లారిటీ తీసుకోండి, మేం కూడా ఎక్కువ మందిని తీసుకురావడానికి ప్రయత్నిస్తాం. ఎలాగూ దీపావళి కూడా ఉంది, అప్పటివరకు మేం మరింత మందిని తీసుకురావడానికి ప్రయత్నిస్తాం.
భారతి: నేను ఇప్పటికే ఇద్దరికీ ఆ విషయాన్ని చెప్పాను.
నందూ: ఇద్దరికీ చెప్పారా స్వామీజీ, వాళ్లు ఈరోజు ఎక్స్‌పెక్ట్‌ చేస్తున్నారు కదా స్వామీజీ.
భారతి: అవును, వాళ్లు ఈరోజే అనుకుంటున్నారు, అందుకోసమే ఢిల్లీలో ఉన్నారు. ఈరోజు సాయంత్రం 4 గంటలకు చార్టర్‌లో అహ్మదాబాద్‌ వెళ్తున్నారు.
నందూ: నెం.2తో నా, నెం.1తోనా
భారతి: నెం1తో వెళ్లారు, క్షమించాలి కాదు, కాదు నెం 2తో వెళ్లారు
రోహిత్ రెడ్డి: స్వామీజీ మరో విన్నపం ఏంటంటే, ఎక్కువ మందిని ప్రయత్నం చేయొద్దు. మా సీఎం గురించి మీకు తెలుసు కదా, చాలా దూకుడు స్వభావం గల వ్యక్తి. మా సీఎంకు తెలిస్తే మా పని పడతారు, మేం ముగ్గురం అయితే సిద్ధంగా ఉన్నాం.
భారతి: ఆ ముగ్గురి పేర్లు నేను తెలుసుకుంటే ముందుకెళ్లడానికి మరింత సులభం అవుతుంది. అధిష్టానం నుంచి గ్రీన్‌ సిగ్నల్‌ ఉంది, మనం ఈనెల 26న కూర్చొని మాట్లాడుకుందాం. నెం.2 ఎదుట ఎవరెవరు ఓకే అన్నారో పేర్లు చెబుతారా..?
రోహిత్ రెడ్డి: అక్కడ పేర్లు చెప్పడానికి నాకు ఎలాంటి అభ్యంతరం లేదు. ప్లీజ్‌ ప్లీజ్‌ ఈ విషయం బయటకు పొక్కొద్దు…
భారతి: మీకు ఈడీ నుంచి ఐటీ వరకు ఎలాంటి ఇబ్బంది ఉండదు. మీ భద్రత, మీ భవిష్యత్‌ అంతా కేంద్రం చూసుకుంటుంది.. ఇందులో సంతోష్ చాలా కీలకం. నెం.1, 2లే ఆయన ఇంటికి వస్తుంటారు. నెం.1, నెం.2ల ఇంటికి సంతోష్ వెళ్లరు అది RSS ప్రొటోకాల్. ఇలాంటి విషయాలను హైండిల్‌ చేయడంలో బెంగాల్‌ ఎపిసోడ్‌ మాకు మంచి అనుభవం వచ్చింది.
నందూ: స్వామీజీ మరొక్క విషయం, రోహిత్ సార్‌కు శరత్‌ చాలా దగ్గరి వ్యక్తి.
భారతి: అరబిందో ఫార్మా శరతేనా అది చాలా సంక్లిష్టమైన కేసు మనం వారితో కూర్చొని డీల్ చేయాలి.
నందూ: స్వామీజీ, మీరు వచ్చినప్పుడు వాళ్లతో మీటింగ్ ఏర్పాటు చేస్తాం.
రోహిత్ రెడ్డి: నందన్న వద్దు నందన్నా ఈ ఫాల్స్‌ ప్రామిసెస్ వద్దు, స్వామీజీ ఇందులో నేను ఇన్వాల్వ్‌ కాను. అతను నాకు మంచి మిత్రుడే కానీ, ప్రస్తుతానికి ఆ విషయంలో ఇన్వాల్వ్‌ కాలేను స్వామీజీ.
భారతి: సరే, పర్వాలేదు, మనం ఒకదాని తర్వాత ఒకటి ఆలోచిద్దాం
రోహిత్‌రెడ్డి: థాంక్యూ స్వామీజీ
భారతి: థ్యాంక్యూ…
