సరిహద్దుల్లో మావోయిస్టులను చుట్టుముట్టిన బలగాలు..?
దిశ దశ, దండకారణ్యం:
రాష్ట్ర సరిహద్దుల్లోని నదులు పొంగిపొర్లుతున్నా నక్సల్స్ ఏరివేత చర్యలు మాత్రం యథావిధిగా కొనసాగుతూనే ఉన్నాయి. మావోయిస్టుల ఏరివేతే లక్ష్యంగా ఆయా రాష్ట్రాలకు చెందిన బలగాలు కూంబింగ్ ఆపరేషన్లలో నిమగ్నం అయ్యాయి. తాజాగా తెలంగాణ, చత్తీస్ గడ్ రాష్ట్ర సరిహద్దుల్లో మావోయిస్టుల డెన్ ను కూంబింగ్ ఆపరేషన్ చేస్తున్న పోలీసులు చుట్టుముట్టినట్టుగా తెలుస్తోంది. తెలంగాణాకు చెందిన గ్రే హౌండ్స్ బలగాలు బీజాపూర్ సరిహద్దు అటవీ ప్రాంతాల్లో కూంబింగ్ నిర్వహిస్తూ మావోయిస్టుల డెన్ ను ట్రేస్ చేసినట్టుగా వార్తలు అందుతున్నాయి. పెద్ద ఎత్తున షెల్టర్ తీసుకున్న మావోయిస్టులను శిబిరం చుట్టూ గ్రే హౌండ్స్ బలగాలు చుట్టుముట్టినట్టగా తెలుస్తోంది. బీజాపూర్ జిల్లా ఇల్మిడి అటవీ ప్రాంతంలో షెల్టర్ తీసుకున్న మావోయిస్టులకు, కూంబింగ్ నిర్వహిస్తున్న తెలంగాణ గ్రే హౌండ్స్ బలగాలకు మధ్య ఎదురుకాల్పుల ఘటన చోటు చేసుకున్నట్టుగా సమాచారం. ఇరు రాష్ట్రాల పోలీసు అధికారులు అధికారికంగా ధృవీకరించనప్పటికీ సరిహద్దు ప్రాంతాల నుండి వచ్చిన సమాచారం మేరకు నక్సల్స్ ప్రాణాలు కోల్పోయారని ప్రాథమికంగా సమాచారం తెలుస్తోంది. ఈ ఘటనకు సంబంధించిన పూర్తి వివరాలు తెలియ రావల్సి ఉంది.
