దిశ దశ, కరీంనగర్:
కరీంనగర్ లో ప్రేమోన్మాది కత్తితో దాడి చేసిన ఘటన కలకలం సృష్టించింది, నగర శివార్లలోని కొత్తపల్లిలో ఈ ఘటన జరిగినట్టుగా తెలుస్తోంది. ప్రాథమికంగా అందిన సమాచారం మేరకు… 24 ఏళ్ల యువతిని ప్రేమిస్తున్నానంటూ వేధింపులకు గురి చేసిన యువకుడు గురువారం రాత్రి కత్తితో దాడికి పాల్పడ్డాడు. ఈ ఘటనలో బాధితురాలి తలకు, చేతికి తీవ్ర గాయాలయ్యాయి. హుటాహుటిన స్థానిక మీనాక్షి ఆసుపత్రికి తరలించి చికిత్స అందిస్తున్నారు. కొత్తపల్లి పోలీసులు కేసు దర్యాప్తు చేస్తున్నారు. పూర్తి వివరాలు తెలియరావాల్సి ఉంది.
