వాగులో పడ్డ వైనం
దిశ దశ, ఆదిలాబాద్:
ఆదిలాబాద్ జిల్లాలో అంబూలెన్స్ అదుపుతప్పి వాగులో పడిపోయింది. జిల్లాలోని జైనత్ మండలం తరోడ సమీపంలోని వాగుపై వేసిన తాత్కాలిక వంతెన మీదుగా వెల్తున్న అంబూలెన్స్ బోల్తా పడింది. తరోడ సమీపంలోని వాగుపై నిర్మించిన వంతెన శిథిలావస్థకు చేరుకోవడంతో ప్రత్యామ్నాయంగా తాత్కాలిక వంతెన నిర్మించారు. ఇటీవల కాలంలో ఈ వంతెన మీదుగానే వాహనాల రాకపోకలు సాగుతున్నాయి. జైనథ్ నుండి అంబూలెన్స్ లో చంద్రపూర్ మీదుగా నాందేడ్ కు వెల్తుండగా ఈ ఘటన చోటు చేసుకుంది. అంబూలెన్స్ తాత్కాలిక వంతెనపై నుండి వాగులో పడిపోవడంతో స్థానికులు సహాయక చర్యలు చేపట్టారు. ఈ అంబూలెన్స్ లో మృతదేహంతో పాటు నలుగురు ఉన్నట్టుగా తెలుస్తోంది. పూర్తి వివరాలు తెలియరావల్సి ఉంది.
