ప్రముఖ వ్యాపారవేత్త, మహీంద్రా గ్రూప్ ఛైర్మన్ ఆనంద్ మహీంద్రా ఎప్పుడూ సోషల్ మీడియాలో యాక్టివ్ గా ఉంటారు. సామాజిక, రాజకీయ అంశాలపై ట్విట్టర్ లో స్పందిస్తూ ఉంటారు. సోషల్ మీడియాలో వైరల్ అయ్యే అంశాలపై తన అభిప్రాయాలను పంచుకుంటారు. అలాగే ఆపదలో ఉన్నవారికి సహాయం కూడా చేస్తూ ఉంటారు. టాలెంట్ కలిగిన గుర్తించి ఆర్ధిక సహాయం చేస్తూ ఉంటారు ఆనంద్ మహీంద్ర. సినిమాలపై కూడా ఆనంద్ మహీంద్రా స్పందిస్తూ ఉంటారు.
ఈ క్రమంలో తాజాగా టాలీవుడ్ స్టార్ హీరో రాంచరణ్ పై ఆనంద్ మహీంద్రా ప్రశంసల వర్షం కురిపించారు. రాంచరణ్ ఒక గ్లోబల్ స్టార్ అని, ప్రస్తుతం అతడి పీరియడ్ సడుస్తోందని వ్యాఖ్యానించారు. కొద్దిరోజుల క్రితం గుడ్ మార్నింగ్ అమెరికా అనే కార్యక్రమంలో ఆనంద్ మహీంద్రా పాల్గొన్నారు. సౌత్ ఇండియా నుంచి ఈ కార్యక్రమంలో పాల్గొన్న తొలి హీరోగా రాంచరణ్ నిలిచాడు. రాంచరణ్ కు సంబంధించి విషయాన్ని అమెరికా టీం ట్విట్టర్ లో ఒక వీడియో పోస్ట్ చేసింది.
ఈ వీడియోను తన ట్విట్టర్ లో పోస్ట్ చేసిన ఆనంద్ మహీంద్రా.. ఈ మనిషి ఒక గ్లోబల్ స్టార్ అంటూ ప్రశంసలు కురిపించారు. అయితే ఇటీవల హైదరాబాద్ లో జరిగిన కార్ రేసింగ్ ఈవెంట్ లో కూడా ఆనంద్ మహీంద్రా పాల్గొన్నారు. ఈ సందర్భంగా రాంచరణ్ ను ఆనంద్ మహీంద్రా కలిశాడు. ఇద్దరూ కలిసి నాటు నాటు సాంగ్ ను డ్యాన్స్ వేశారు. ఈ వీడియో సోషల్ మీడియాలో వైరల్ గా మారింది.
ఇటీవల ప్రాజెక్ట్ కే సినిమా కోసం ఆనంద్ మహీంద్రా కంపెనీ సహాకారం అందిస్తోంది. ఈ క్రమంలో రాంచరణ్ పై ఆనంద్ మహీంద్రా ప్రశంసలు కురిపించడం హాట్ టాపిక్ గా మారింది.ఇటీవల హైదరాబాద్ లో రాంచరణ్, ఆనంద్ మహీంద్రా కలిసి సందడి చేశారు. ఈ క్రమంలో రాంచరణ్ ను పొగుడుతూ ట్వీట్ చేయడం గమనార్హం.
