యాంకర్ రష్మీ హోస్ట్‌గానే కాకుండా పలు సినిమాల్లో నటించి ప్రేక్షకులను సంపాదించుకుంది. తన హాట్ హాట్ అందాలతో ఎంతోమంది కుర్రాళ్ల మనస్సులను కొల్లగొట్టింది. జబర్దస్త్ లో హాట్ హాట్ డ్రెస్సులు, ఫోజులతో యాంకర్ గా పేరు తెచ్చుకున్న రష్మీ.. సిల్వర్ స్క్రీన్‌పైకి కూడా ఎంట్రీ ఇచ్చి పలు సినిమాల్లో నటించింది. కానీ సినిమా ఇండస్ట్రీ అంతగా పేరు తెచ్చుకోలేకపోయింది. ఆమె నటించిన రెండు, మూడు సినిమాలు కూడా అంతగా హిట్ కాకపోవడంతో.. రష్మీకి సినిమా అవకాశాలు కూడా అంతగా రావడం లేదు.
ఈ క్రమంలో రష్మీ ప్రస్తుతం బుల్లితెరపైనే పలు షోలలో కనిపిస్తూ సందడి చేస్తోంది. ప్రస్తుతం జబర్దస్త్ షోతో పాటు శ్రీదేవి డ్రామా కంపెనీ షోలకు రష్మీ యాంకర్ గా వ్యవహరిసతోంది. అయితే త్వరలో తెలుగు బిగ్ బాస్ కొత్త సీజన్ లో రష్మీ కంటెస్టెంట్ గా వెళ్లనుందనే వార్తలు బుల్లితెర వర్గాల్లో జోరుగా వినిపిస్తున్నాయి. బిగ్ బాస్ ఇప్పటికే ఆరు సీజన్లు పూర్తవ్వగా.. త్వరలో ఏడో సీజన్ ప్రారంభించేందుుకు స్టార్ మా నిర్వాహకులు ప్లాన్ చేస్తున్నారు. ఇందు కోసం హోస్ట్ తో పాటు కంటెస్టెంట్ల ఎంపిక కూడా శరవేగంగా చేపడుతన్నారు.
ఈ సారి నాగార్జున హోస్ట్ గా ఉండే అవకాశాలు కనిపించడం లేదు. కొత్త హోస్ట్ కోసం బిగ్ బాస్ టీం ప్రయత్నాలు చేస్తోంది. కొత్త హోస్ట్ గా పలువురు హీరోలతో సంప్రదింపులు జరుపుతోంది. అయితే కంటెస్టెంట్ ను కూడా ఎంపిక చేస్తోంది. ఈ క్రమంలో యాంకర్ రష్మీని కూడా బిగ్ బాస్ టీం సంప్రదించినట్లు తెలుస్తోంది. దీనికి రష్మీ కూడా ఓకే చెప్పినట్లు తెలుస్తోంది. వారానికి రూ.8 లక్షలు రెమ్యూనరేషన్ రష్మీ డిమాండ్ చేసినట్లు తెలుస్తోంది. రష్మీకి ఉన్న క్రేజ్ కారణంగా అంత మొత్తంలో ఇచ్చేందుకు షో నిర్వాహకులు కూడా ఓకే చెప్పినట్లు ప్రచారం సాగుతోంది.
గతంలో శ్రీముఖి బిగ్ బాస్ కంటెస్టెంట్ గా వెళ్లినప్పుడు భారీ రెమ్యూనరేషన్ ఆఫర్ చేశారు. శ్రీముఖి కంటే రష్మీ సీనియర్ యాంకర్. దీంతో రష్మీ ఎక్కువ డిమాండ్ చేసినట్లు చెబుతున్నారు. అయితే ప్రస్తుతం రష్మీ చేతిలో రెండు షోలు ఉన్నాయని, ఆమె హోస్ట్ గా వెళితే నష్టమనే భావన కొంతమందిలో కలుగుతోంది. ఒకసారి బిగ్ బాస్ కు వెళ్లిన తర్వాత మల్లెమాల ప్రొడక్షన్స్ తో గ్యాప్ వస్తుంది. దీంతో బిగ్ బాస్ షోకు వెళ్లిన వారు తర్వాత మల్లెమాల షోలలో పాల్గొనడం లేదు.
