నందమూరి నటసింహం బాలకృష్ణ హీరోగా వస్తున్న సినిమా ‘వీరసింహారెడ్డి’. గోపిచంద్ మలినేని డైరెక్షన్‌లో వస్తున్న ఈ సినిమాలో శృతి హాసన్ హీరోయిన్‌గా చేస్తోంది. కాగా.. రిలీజ్ సమయం దగ్గరపడటంతో ప్రమోషన్స్‌లో బిజీగా ఉంది చిత్ర బృందం. ఈ క్రమంలోనే ఫ్రీ రిలీజ్ ఈవెంట్‌ను ఒంగోల్‌లో ఘనంగా నిర్వహించారు. ఈ ఈవెంట్‌కు బాలయ్య.. శృతిహాసన్ ప్రత్యేక హెలికాప్టర్‌లో వచ్చి సందడి చేశారు. కాగా, బాలయ్యను చూసేందుకు అభిమానులు పెద్ద ఎత్తున హాజరయ్యారు. అయితే అంత మంది జనం మధ్య బాలయ్య నడుచుకుంటూ వస్తుండగా అభిమానులు సెల్ఫీల కోసం ఎగబడ్డారు. కొంత మంది శాలువాలు కప్పేందుకు చాలా ధైర్యం చేసి ముందుకు వచ్చారు. పాపం ఓ అభిమాని బాలయ్య మీదా ప్రేమతో శాలువ తెచ్చి కప్పేసరికి అది సరిగా కప్పకముందే.. బాలయ్య అభిమానిపై చిరాకు పడటం వీడియోలో కనిపించింది. కోపంగా ఆ శాలువ తీసేసి చేతితో పట్టుకుని పక్కన వ్యక్తికి ఇచ్చేశాడు. ఇక బాలయ్య బాబు కోపం అభిమానులకు తెలియనిది ఏముంది. కాగా.. బాలయ్య బాబు ‘వీరసింహారెడ్డి’ సినిమా సంక్రాంతి కానుకగా ప్రేక్షకుల ముందుకు రానుంది.
