దిశ దశ, హుజురాబాద్:
హుజురాబాద్ ప్రాంత వాసులు ప్రేమగా పిలుచుకునే లడ్డు లేడన్న చేదు వార్త పట్టణ వాసులను విషాదంలోకి నెట్టేసింది. గురువారం గుండెపోటుతో ఆయన మరణించాడన్న విషయం తెలిసి ప్రతి ఒక్కరూ దిగ్భ్రాంతికి గురయ్యారు. హుజురాబాద్ పట్టణానికి చెందిన నందగిరి మహేందర్ ఉరఫ్ లడ్డు (40) వాష్ రూంలో కాలు జారి పడిపోగా ఆసుపత్రికి తరలించారు. ఆయన గుండె పోటుకు గురై చనిపోయారని ఆసుపత్రి వైద్యులు తెలిపడంతో కుటుంబ సభ్యులు కన్నీరు మున్నీరుగా విలపిస్తున్నారు. ఏబీవీపీ, బీజైవైఎం, బీజేపీల్లో క్రియా శీలకంగా పని చేసిన లడ్డు హుజురాబాద్ ఉప ఎన్నికల సమయంలో లడ్డూ బీఆర్ఎస్ తీర్థం పుచ్చుకున్నారు.
