దిశ దశ, హైదరాబాద్:
తెలంగాణలో పని చేస్తున్న ఇద్దరు జీఎస్టీ అధికారులపై సీబీఐ కేసు నమోదు చేసింది. ఈ మేరకు కొద్ది సేపటి క్రితం సీబీఐ ‘ఎక్స్’ వేదికగా ఓ ప్రకటన విడుదల చేసింది. అవినీతి ఆరోపణల నేపథ్యంలో ఈ కేసు నమోదు చేసినట్టుగా వెల్లడించింది. సెంట్రల్ ట్యాక్స్ ప్రిన్సిపల్ కమిషనరేట్ సూపరింటిండెంట్, ఇన్స్ పెక్టర్లపై ఈ కేసు ఈ కేసు నమోదు చేసింది. ఈ ఇద్దరు అధికారులు కూడా రూ. కోట్లు అక్రమ మార్గాల ద్వారా గడించారని, సీబీఐ అధికారులను ఆశ్రయించిన బాధితుడు వెల్లడించారని పేర్కొంది. అతని వద్ద కూడా రూ. 5 లక్షలు వసూలు చేశారని, బాధితునికి చెందిన ప్రైవేటు కంపెనీకి చెందిన ఐరన్ స్క్రాప్ విషయంలో అక్రమాలు జరిగియాని జులై 4న జీఎస్టీ అధికారులు సీజ్ చేశారని పేర్కొంది. అతని వద్ద రూ. 5 లక్షలు వసూలు చేసిన జీఎస్టీ అధికారులు రూ. కోటి డిమాండ్ చేశారని తెలిపింది. సీజింగ్ ఓపెన్ చేయాలంటే రూ. 3 లక్షలు ఇవ్వాలని డిమాండ్ చేశారని కూడా సీబీఐ విచారణలో తేలింది. హైదరాబాద్ లోని రెండు చోట్ల సీబీఐ అధికారుల బృందాలు సోదాలు నిర్వహించినప్పుడు ఇందుకు సంబంధించిన ఆధారాలు లంభించాయని కూడా సీబీఐ పేర్కొంది.
