దిశ దశ, జాతీయం:
చంద్రయాన్ 4కు సంబంధించిన వివరాలను ఇస్రొ వెల్లడించింది. చంద్రుని దక్షిణ ధృవంలో దింపనున్న అంతరిక్ష వ్యోమ నౌక తుది దశకు చేరుకుంది. దీనికి సంబంధించిన ఫోటోలను ఇస్రో విడుదల చేసింది. ప్రయోగ ద్రవ్య రాశి 9.2టి ఉంటుదని, 2 లాంచ్‌లలో దీనిని అంతరిక్షంలోకి పంపించనున్నారని తెలుస్తోంది. 3 నుండి 5 కిలోల చంద్ర నమూనాలను తిరిగి తీసుకవచ్చేందుకు అనుగుణంగా తయారు చేశారు. న్యూ ఢిల్లీలోని భారత్ మండపంలో మోడల్ ను ప్రదర్శిచారు. చంద్రయాన్ 4 ద్వారా చంద్రునికి దక్షిణ ధృవంలో ఉన్న రాతి, మట్టి నమూనాలను భూమికి తీసుకవచ్చే విధంగా రూపకల్పన చేశారు. చంద్రుని దక్షిణ ధ్రువం దగ్గర చారిత్రాత్మకంగా ల్యాండింగ్ చేసిన చంద్రయాన్-3 అంతరిక్ష నౌకలో మూడు మాడ్యూల్స్ ఉండగా ఈ వ్యోమనౌకలో ఐదు ప్రత్యేక మాడ్యూల్స్ ఉంటాయి. ప్రొపల్షన్ మాడ్యూల్ (లేదా ఇంజిన్), ల్యాండర్ మరియు రోవర్. చంద్రయాన్-4 నమూనా రిటర్న్ మిషన్ అనేక దశలతో కూడిన క్లిష్టమైన మిషన్ కానుంది. చంద్ర కక్ష్యలోకి ప్రవేశించిన తర్వాత, రెండు మాడ్యూల్స్ ప్రధాన అంతరిక్ష నౌక నుండి విడిపోయి చంద్రునిపై ల్యాండింగ్ అవుతాయి. చంద్రుని ఉపరితలం నుండి నమూనాలను సేకరించడంలో రెండు మాడ్యూల్స్ మధ్య సమన్వయం ఉండే విధంగా తయారు చేశారు. ఒకటి చంద్రుని ఉపరితలానికి చేరుకుని చంద్ర కక్ష్యలోని ప్రధాన అంతరిక్ష నౌక వద్దకు చేరుకోనుంది. అక్కడి నుండి భూమిపై ఉండే ఎర్త్ రీ-ఎంట్రీ వాహనానికి నమూనాలు పంపించే విధంగా తీర్చిదిద్దారు. ఈ రీ-ఎంట్రీ వాహనం వాటిని తిరిగి భూమికి తీసుకువచ్చేలా డిజైన్ చేశారు. ఈ చంద్రయాన్-4 మిషన్ సమయంలో రెండుసార్లు స్పేస్ మాడ్యూళ్లను డాకింగ్ చేస్తుంది. ప్రధాన వ్యోమనౌకతో ఏకం చేయడానికి మాడ్యూల్స్ చంద్రుని నుండి తిరిగి ఎగిరినప్పుడు మరియు నమూనాలను రీ-ఎంట్రీ వెహికల్‌కి పంపించినప్పుడు ఇస్రో ఇంతకు ముందు అంతరిక్ష నౌకలను డాక్ చేయలేదు. స్పాడెక్స్ మిషన్‌తో ఈ సంవత్సరం చివర్లో ఈ సామర్ధ్యం మొదటిసారిగా ప్రదర్శించబడుతుంది. డాకింగ్ అనేది అత్యంత అధిక వేగంతో కదులుతున్న రెండు అంతరిక్ష నౌకలు ఒక ఖచ్చితమైన కక్ష్యలో సమలేఖనం చేయబడి, ఒకదానితో ఒకటి కలపేందుకు ఉపయోగపడుతుంది.
https://x.com/ISROSpaceflight/status/1827296454475440519
