మెగాస్టార్ చిరంజీవి హీరోగా బాబీ తెరకెక్కించిన వాల్తేరు వీరయ్య సినిమా సంక్రాంతి సందర్భంగా గత ఏడాదిలో విడుదలైన విషయం తెలిసిందే. ఇందులో రవితేజ కీలక పాత్రలో నటించగా.. బాక్సాఫీస్ వద్ద ఈ సినిమా కలెక్షన్లు సునామీ సృష్టించింది. ప్రపంచవ్యాప్తంగా దాదాపు రూ.230 కోట్ల వసూళ్లను ఈ సినిమా సాధించింది. ప్రముఖ నిర్మాణ సంస్థ మైత్రీ మూవీ మేకర్స్ ఈ సినిమాను నిర్మించగా.. నిర్మాతలకు భారీగా డబ్బులు వచ్చాయి.
ఈ సినిమా ఓటీటీ రిలీజ్ డేట్‌కు ముహూర్తం ఫిక్స్ అయింది. ప్రముఖ ఓటీటీ ఫ్లాట్ ఫామ్ నెట్‌ఫ్లిక్స్ లో ఈ సినిమా రానుంది. ఫిబ్రవరి 27 నుంచి నెట్‌ఫ్లిక్స్ లో ఈ సినిమా స్ట్రీమింగ్ కానుంది. గత నెల 13వ తేదీన ఈ సినిమా థియేటర్లలో విడుదలైంది. నెల రోజులు దాటిన తర్వాత కొద్దిరోజులే ఈ సినిమా నెట్ ఫ్లిక్స్ లో అందుబాటులోకి వస్తుంది. దీంతో ఫ్యాన్స్ ఫుల్ ఖుషీ అవుతున్నారు. నెట్‌ఫ్లిక్స్ లో ఈ సినిమా కోసం ఎదురుచూస్తున్నారు. థియేటర్లలో బ్లాక్ బస్టర్ గా నిలిచిన ఈ సినిమాకు ఓటీటీలో ఎలాంటి రెస్పాన్స్ వస్తుందనే దానిపై ఆసక్తి నెలకొంది.
ఈ సినిమాలో చిరంజీవి సరసన శృతిహాసన్ హీరోయిన్ గా నటించగా.. దేవిశ్రీప్రసాద్ సంగీతం అందించారు. ఇక ఊర్వశీ రౌతేలా ఈ సినిమాలో బాస్ పార్టీ అనే స్పెషల్ సాంగ్ లో నటించింది. ప్రకాష్ రాజ్, బాబీ సింహ ఈ సినిమాలో విలన్స్ గా నటించారు. ఈ సినిమాలో చిరంజీవి డ్యాన్సులు, యాక్షన్ సీన్లు ప్రేక్షకులను ఆకట్టుకున్నాయి.మాస్ ఎలిమెంట్స్, చిరంజీవి వేసిన మాస్ స్టెప్పులు సినిమాకు హైలెట్ గా నిలిచాయి.
