టాలీవుడ్ స్టార్ హీరోయిన్ సమంత సోషల్ మీడియాలో ఎప్పుడూ యాక్టివ్‌గా ఉంటూ ఉంటుంది. తన సినిమాలు సంబంధించి విషయాలు, ప్రమోషన్స్ తో పాటు అభిమానులతో ముచ్చటిస్తూ ఉంటుంది. అభిమానులు అడిగిన ప్రశ్నలకు సమాధానం ఇస్తూ ఉంటుంది. అలాగే తన ఫొట్‌షూట్ ఫొటోలను అభిమానులతో స్యామ్ పంచుకుంటూ ఉంటుంది. ఇన్‌స్టాగ్రామ్‌లో బాగా యాక్టివ్‌గా ఉండే సమంత ఇటీవల ఎమోషనల్ పోస్టులు పెడుతూ ఉంది.
ఈ క్రమంలో తాజాగా ఇన్‌స్టాగ్రామ్‌లో సమంత మరో ఎమోషనల్ పోస్ట్ పెట్టింది. ఎవరు ఏ సమస్యతో పోరాడుతున్నారో తెలియదని, అందుకే అందరిపై దయ చూపించండి అంటూ సమంత ఇన్‌స్టాగ్రామ్ స్టోరీలో పెట్టింది. ఈ పోస్ట్ సోషల్ మీడియాలో వైరల్ గా మారింది. నెగిటివ్ కామెంట్స్ చేసేవారి కోసమే సమంత ఈ పోస్ట్ పెట్టినట్లు చెబుతున్నారు.
అయితే అరుదైన మియోసైటిస్ వ్యాధితో బాధపడుతున్న సమంత.. కొద్దిరోజుల పాటు ఆస్పత్రిలో చికిత్స తీసుకుంది. అనంతరం ఇప్పుడిప్పుడు కాస్త కోలుకుంటోంది. ప్రస్తుతం వరుస సినిమాలతో బిజీబిజీగా గడుపుతోంది. వరుస షూటింగ్ లతో తీరిక లేకుండా ఉంటోంది. ప్రస్తుతం రాజ్, డీకే డైరెక్షన్ లో తెరకెక్కుతోన్న వెబ్ సిరీస్ సిటాడెట్ లో నటిస్తోంది. ఈ సినిమా తర్వాత రౌడీ హీరో విజయ్ దేవరకొండ హీరోగా రానున్న ఖుషి సినిమాలో సమంత నటించనుంది. ఇక గుణ శేఖర్ దర్శకత్వంలో తెరకెక్కుతు్ శాకుంతలం సినిమా కూడా విడుదలకు సిద్దమవుతోంది.
ఏప్రిల్ 14న ఈ సినిమాను పాన్ ఇండియాగా విడుదల చేయనున్నారు. ఐదు భాషల్లో ఈ సినిమాను రిలీజ్ చేయనున్నారు. ఈ సినిమాపై అందరిలోనూ ఆసక్తి నెలకొంది.గత ఏడాది యశోద సినిమా పాన్ ఇండియా వైడ్ గా విడుదలై మంచి సక్సెస్ ను అందుకుంది. దీంతో పాన్ ఇండియా హీరోయిన్ గా సమంత మారిపోయింది. ఇప్పుడు శాకుంతలం సినిమా కూడా వరల్డ్ వైడ్ గా విడుదల కాబోతుంది.
