దిశ దశ, అంతర్జాతీయం:
అమెరికాలోని టెక్సాస్ స్టేట్ డల్లాస్ నగరంలో భారీ అగ్ని ప్రమాదం సంభవించింది. అమెరికా కాలమానం ప్రకారం గురువారం సాయంత్రం 6 గంటల ప్రాంతంలో (భారత కాలమానం ప్రకారం శుక్రవారం తెల్లవారు జామున 4.30 గంటలు) ఈ ఫైర్ యాక్సిడెంట్ జరిగింది. డల్లాస్ నగరంలోని Irving ఏరియాలోని మహాత్మా గాంధీ పార్క్ సమీపంలోగల రెమింగ్టన్ హిల్స్ లో TX అపార్ట్ మెంట్స్ రెండింటిలో ఈ అగ్ని ప్రమాదం జరిగింది. ఇందులో పెద్ద సంఖ్యలో విద్యార్థులు నివాసం ఉంటారని, అందులో ఇండియన్స్ ఎక్కువగా ఉంటారని అమెరికాలోని ఇండియన్స్ తెలిపారు. అయితే ఈ ఘటనలో ప్రాణ నష్టం సంభవించలేదని, అగ్ని ప్రమాదం జరిగిన వెంటనే ఫైర్ ఇంజన్లు రంగంలోకి దిగి మంటలను ఆర్పడంతో పెను ముప్పు తప్పినట్టయింది.
