దిశ దశ, దండకారణ్యం:
చత్తీస్ గడ్, ఒడిశా సరిహద్దు అడవుల్లోని కుల్హారిఘాట్ అటవీ ప్రాంతంలో రెండు రాష్ట్రాలకు చెందిన 15వందల మంది బలగాలు మావోయిస్టుల ఏరివేతలో పాల్గొన్నాయని పార్టీ సెంట్రల్ రీజనల్ బ్యూరో ప్రచార కమిటీ ఆరోపిచింది. అయినప్పటికీ 16మంది నక్సల్స్ 40గంటల పాటు విరోచిత పోరాటం చేశారని ప్రకటించింది. ఈ మేరకు మావోయిస్టు పార్టీ లేఖ విడుదల చేసింది.
మావోయిస్టు పార్టీ లేఖ పూర్తి పాఠం
ఏఓబి ఉద్యమంతో 32 ఏళ్ళ పాటు మమేకమైన భారత ప్రజాయుద్ధ వీరుడు, ఆదర్శ కమ్యూనిస్టు నాయకుడు, కేంద్ర కమిటీ సభ్యుడు, ఒడిశా స్పెషల్ జోనల్ కమిటీ కార్యదర్శి కామ్రేడ్ ప్రతాపరెడ్డి (చలపతి, జైరామ్) కి విప్లవ జోహార్లు మూడు దశాబ్దాలకు పైగా (1989 నుండి 2020 వరకు) శ్రీకాకుళం, తూర్పు కనుమల్లో విప్లవోద్యమ నిర్మాణంలో భాగమైన సాహసిక యోధుడు, వీర గెరిల్లా నాయకుడు కామ్రేడ్ చలపతి (సీసీఎమ్) 2020 నుండి జైరామ్ పేరుతో ఒడిశా రాష్ట్ర కమిటీ కార్యదర్శిగా బాధ్యతలు నిర్వహిస్తూ ఒడిశా రాష్ట్రంలో గరియాబంద్ జిల్లాలో మైన్పూర్ పోలీసు స్టేషన్ పరిధిలోని బాలూడీతార్- ఝర్ గ్రామాల మధ్య కుల్హారీ ఘాట్ రక్షిత ప్రాంత అడవిలో ఒడిశా-ఛత్తీస్ గఢ్ రాష్ట్రాల పోలీసు బలగాలు, కేంద్ర బలగాలు కలిసి చేసిన జాయింట్ ఆపరేషన్లో వీరోచితంగా పోరాడుతూ అమరుడయ్యాడు. కా॥ చలపతితో పాటు 16 మంది కామ్రేడ్స్ 40 గంటల పాటు సాహసంగా పోరాడి అమరులయ్యారు. ఈ ఘటనలో ఇద్దరు పోలీసులకి గాయాలయ్యాయి. 2025 జనవరి 19 నుండి మొదలై 22 వరకు పథకం ప్రకారం చుట్టుముట్టి చేసిన భారీ సంయుక్త దాడిలో 1500 మంది సాయుధ పోలీసు బలగాలు పాల్గొన్నాయి. ఇందులో ఒడిశాకి చెందిన 3 యూనిట్లు ఎస్జీ బలగాలు, ఛత్తీస్ గడ్కు చెందిన 3 యూనిట్లు డీఆర్ బలగాలు, కేంద్ర బలగాలు (సీఆర్పీఎఫ్)కు చెందిన 5 యూనిట్లు కోబ్రా బలగాలు పాల్గొన్నాయి. 15-20 కి.మీ. పరిధిలో జరిగిన ఈ దాడిలో 4 డ్రోన్ కెమెరాలు, 5 కి.మీ పరిధిలో డాగ్స్క్వాడ్లు వినియోగించారు. ఖచ్చితమైన సమాచారంతో నిర్దిష్ట పథకంతో కేంద్రం, రెండు రాష్ట్రాల ఐజీ, ఎస్పీల పర్యవేక్షణలో జరిగిన ఈ హింసాకాండ కేంద్ర హెూంమంత్రి అమిత్ షా ఆధ్వర్యంలో నిర్వహించబడుతున్న విధ్వంసకర కగార్ ఆపరేషన్లో భాగం. గ్రీన్హాంట్, సమాధాన్ – ప్రహార్ దాడులను ఓడించిన భారత విప్లవోద్యమం కగార్ దాడులను కూడా వీరోచితంగా పోరాడి ఓడించి తీరుతుంది. దోపిడీ రాజ్యాన్ని మట్టుబెట్టి ప్రజారాజ్యాన్ని స్థాపిస్తుంది. కామ్రేడ్ చలపతికి తల్లితండ్రులు పెట్టిన పేరు ప్రతాపరెడ్డి. ప్రజల మధ్య పని చేసిన క్రమంలో ఉద్దానంలో సుధా, అప్పారావు, తూర్పుకనుమలంతటా (ఏఒబి జోన్) రవి, చలపతి, ఒడిశాలో జైరామ్ పేర్లతో పని చేసి స్థానిక ప్రజల ప్రేమాభిమానాలు చూరగొన్నాడు. ఆంధ్రప్రదేశ్లోని చిత్తూరు జిల్లా తవణంపల్లి మండలంలోని మత్యం కొత్తపల్లి (పైపల్లె) గ్రామంలో లక్ష్మమ్మ, రామసుబ్బారెడ్డి దంపతులకు కలిగిన ముగ్గురు మగపిల్లలలో ప్రతాపరెడ్డి మూడవవాడు. ప్రతాపరెడ్డి 1964లో జన్మించాడు. స్వగ్రామంలోనే ప్రాథమిక విద్యను అభ్యసించాడు. చిన్నతనం నుండి తెలివితేటలతో చురుకుగా వుండే ప్రతాప్ కుటుంబ సభ్యుల బంధుమిత్రుల ప్రేమాభిమానాలు చూరగొన్నాడు. రైతు కుటుంబంలో జన్మించిన ప్రతాప్ పొలం పనులలో సహాయం చేస్తూ హైస్కూలు విద్యను బంగారుపాలెం హైస్కూలులోను, ఇంటర్మీడియెట్, బీఎస్ సీ చదువును చిత్తూరులోను పూర్తి చేసాడు. మొదట మదనపల్లిలోని సెరీకల్చర్లో ఉ ద్యోగిగా చేరాడు. 1988లో పట్టు పరిశ్రమ శాఖలో ఫీల్డ్ ఫోర్మెన్గా పార్వతీపురంలో ప్రభుత్వ ఉద్యోగంలో చేరాడు. శ్రీకాకుళం జిల్లాలోని శ్రీకాకుళ ఉద్యమ చరిత్ర ప్రభావంతో విప్లవ రాజకీయాల కార్యకలాపాలలో క్రియాశీలంగా పని చేసిన చలపతి పూర్తికాలం విప్లవకారునిగా పని చేయడానికి నిర్ణయించుకుని ఉద్యోగాన్ని వదులుకున్నాడు. 1989 నాటికి చలపతి సుధ పేరుతో మందస, సోంపేట మండలాల్లోని గ్రామీణ ప్రాంతంలో కేంద్ర ఆర్గనైజర్గా పని చేసాడు. 1990లో దళాలు ఏర్పడిన తర్వాత చలపతి ఉద్దానం దళ కమాండర్ అయ్యాడు. 1990-91 నుండి ఉద్దానం ప్రాంతంలో మత్స్యకారుల సమస్యలు, రైతాంగం సమస్యలు, వెనుకబడిన ప్రాంతానికుండే ప్రత్యేక సమస్యలను అధ్యయనం చేస్తూ స్థానిక సమస్యలపై పోరాటాలు చేపట్టిన ఉద్దానం దళంలో క్రియాశీల కార్యకర్తగా మారాడు. ఉద్దానంలో 1968 నాటి శ్రీకుకుళ సాయుధ పోరాట ప్రభావం బలంగా వుంటుంది. జీడిపిక్కల పరిశ్రమలలో కూలిరేట్ల పెంపుదల, చేపలు పట్టే పల్లెకారుల పై సావుకార్ల దోపిడీకి వ్యతిరేకంగా పోరాటాల నుండి భూముల ఆక్రమణ పోరాటం వరకు అన్ని రకాల ఆర్థిక, రాజకీయ, సాంఘిక సమస్యలపై పోరాడడం, ప్రజల మధ్య కోర్టులు నిర్వహించి ప్రజా వ్యతిరేకులను శిక్షించడంలో చలపతి పాత్ర ప్రముఖంగా వుండేది. విద్యార్థి, యువజనులను రాజకీయంగా చైతన్యపరిచి రిక్రూట్ చేయడంలో, పట్టణ, మైదాన ప్రాంతాలలో ఉద్యమాన్ని విస్తరింపచేయడంలో ఆనాడు చేసిన కృషి వలన ఉద్యమం క్రమంగా గతంలో శ్రీకుకుళ పోరాటం జరిగిన ప్రాంతాలకు విస్తరించింది. సవర, జాతాబు ఆదివాసీ ప్రజల్లో తిరిగి అభిమానాన్ని పొంది, విప్లవోత్తేజాన్ని పునరుద్ధరించిన దళాలకు నాయకత్వాన్ని అందించాడు. గుమ్మలక్ష్మీపురం, కొండబారిడి ఏరియాల నుండి విప్లవోద్యమాన్ని ఒడిశా సరిహద్దులకు విస్తరించి దశాబ్ది కాలంలో విజయనగరం – శ్రీకాకుళం జిల్లాల ఉద్యమాన్ని ఉ మ్మడి డివిజన్ ఉద్యమంగా అభివృద్ధి చేయడంలో చలపతి పాత్ర కీలకమైనది. 1995 చివర నుండి చందనగిరి దళాన్ని జిల్లా కమిటీ మెంబర్ గైడ్ చేసాడు. 1996 నాటికి శ్రీకాకుళం కమిటీ గైడెన్స్ లో 7 దళాలు వుండేవి. 1. ఉద్దానం, 2. మహేంద్రగిరి, 3. కొండబారిడి, 4. దేవగిరి, 5. చందనగిరి, 6. నాగావళి, 7. జంఝావతి. 1990-2000ల మధ్య విప్లవోద్యమం ఎన్నోసార్లు దాడులకు గురయ్యింది. కొద్దిమంది కామ్రేడ్స్ అమరులు కావడం, అరెస్టులు కావడం జరిగింది. చలపతి అనేక సందర్భాలలో దాడుల నుండి తప్పుకున్నాడు. దూకుడుగా వస్తున్న శత్రువును అంబుష్ దాడుల్లో హతమార్చి, తుపాకులను స్వాధీనం చేసుకున్నది వున్నది. 12.10.1997లో ముఖలింగాపురం ఎన్ కౌంటర్లో ముగ్గురు కామ్రేడ్స్ అమరులయ్యారు. 13.4.1998లో జరిగిన గొట్ట ఎన్కౌంటర్లో చిట్టెక్కతో పాటు నలుగురు మహిళా కామ్రేడ్స్ అమరులయ్యారు. 1998 సం||లో కోపర్ట్జ్ంగ్ (ఒడిశా)లో శ్రీకాకుళం జిల్లా ప్లీనం జరుగుతుండగా ఆగస్టు 9న పోలీసులు చేసిన దాడిలో 13 మంది కామ్రేడ్స్ అమరులయ్యారు. అందులో కార్యదర్శి రాజన్న (ఆర్సీఎమ్) తో పాటు, జిల్లా కమిటీ సభ్యుడు, కమాండర్లు అమరులుకావడంతో జిల్లా ఉద్యమానికి చాలా నష్టం జరిగింది. ఈ వరుస నష్టాల తర్వాత ఉద్యమాన్ని కేడర్ను కాపాడుకుంటూ ఉద్యమాన్ని అభివృద్ధి చేయడానికి చలపతి విశేషంగా కృషి చేసాడు. అంచెలంచెలుగా పెరిగిన ఉద్యమంతో పాటు తన బాధ్యతలు కూడా పెరిగి జిల్లా నాయకుడుగా కీలక భూమికను నిర్వహించాడు. 1995లో జరిగిన అఖిల భారత ప్రత్యేక కాన్ఫరెన్స్ (ఏఐఎస్సీ) ఇచ్చిన మార్గదర్శకత్వంలో డీకేలో భాగంగా వున్న ఈస్ట్ డివిజన్ ఉద్యమాన్ని ఏపీ రాష్ట్ర కమిటీ గైడెన్సు బదిలీ చేయడంతో శ్రీకాకుళం డివిజన్ను, ఈస్ట్ డివిజన్ ను, విశాఖ పట్టణాన్ని కలిపి ఈస్ట్ రీజియన్ ఉద్యమంగా అభివృద్ధి చేయడం జరిగింది. 2000లో జరిగిన ఆంధ్రప్రదేశ్ రాష్ట్ర మహాసభలో ఈస్ట్ రీజియన్ ప్రతినిధిగా చలపతి హాజరయ్యాడు. ఈ ఏపీ రాష్ట్ర మహాసభలో ఈస్ట్ రీజియన్ ప్రాంతాన్ని ఆంధ్ర-ఒరిస్సా బోర్డర్ కమిటీగా (ఏఒబి) ఏర్పాటు చేసారు. 2001లో జరిగిన ఏఒబి స్పెషల్ జోన్ రెండవ మహాసభలో చలపతి ఎస్జెడ్సీ సభ్యుడిగా ఎన్నికయ్యాడు. ఎస్ఎమ్సీ సభ్యుడిగా, తర్వాత సెక్రటేరియట్ సభ్యుడిగా కీలక బాధ్యతలు నిర్వహించాడు. 2007లో జరిగిన సీపీఐ(మావోయిస్టు) ఐక్యతా కాంగ్రెస్ ఏఒబి ఎస్ జెడ్సీ నుండి ప్రతినిధిగా పాల్గొన్నాడు. కేంద్ర కమిటీ ప్రత్యామ్నాయ సభ్యుడిగా ఎన్నికయ్యాడు. 2010-11 సం॥లలో కేంద్రకమిటీకి జరిగిన వరుస నష్టాల తర్వాత కా॥చలపతిని సీసీలోకి కో ఆప్ట్ చేసుకున్నప్పటికీ 2012లో తన పొరపాటు వలన మైన్ విస్పోటన చెందిన ఘటనలో ఒక కామ్రేడ్ అమరుడుకావడంతో డిమోషన్కు గురయ్యాడు. మరల 2018లో సీసీలోకి తీసుకుని తర్వాత ఒడిశా రాష్ట్ర బాధ్యతలు అప్పగించడం జరిగింది.
శత్రువుతో జరిగిన ఎన్కౌంటర్లలో, శత్రువు పై చేసిన మెరుపు దాడుల్లో వీరోచితంగా పోరాడిన సాహసిక వీర గెరిల్లా యోధుడు కామ్రేడ్ చలపతి. ఏఒబి జోన్లో అనేక సార్లు నిర్వహించిన వివిధ రకాల మిలిటరీ శిక్షణా శిబిరాలలో కమాండర్లకు, పీఎల్జీఏ బలగాలకు మిలటరీ శిక్షణ అందించాడు. ఫిజికల్ ఫిట్నెస్ తో పాటు ఫీల్డ్ క్రాఫ్ట్, ఫీల్డ్ డ్రిల్, వివిధ రకాల సైనిక విన్యాసాలు, ఇమ్మిడియేట్ ఆక్షన్ డ్రిల్స్ (ఐఏడి) నేర్పించాడు. వాటితో పాటు అంబుష్లు, రెయిడ్స్లో పాల్గొనేటపుడు ఫీల్డ్లో వచ్చే సమస్యలను వారితో వివరంగా చర్చించి, నష్టాలు జరగకుండా చర్యలు విజయవంతం చేసేలా వారికి ఆత్మవిశ్వాసం కలిగించేవాడు. ఏపీ, ఏఒబిలలో జరిగిన 17 టీసీఒసీలలో 10 అంటే సగానికి పైగా విజయవంతమయ్యాయి. 14 ఆంబుష్లు చేపడితే అందులో 10 సఫలమయ్యాయి. 140 ఆయుధాలు స్వాధీనం అయ్యాయి. ఏఒబిలో కా॥చలపతి నాయకత్వంలో పెద్ద, చిన్న, మధ్యరకం మిలటరీ చర్యలు చాలానే జరిగాయి. శత్రువును నిర్మూలించడం, గాయపరచడం, ఆయుధాల స్వాధీనం చాలానే చేసారు. అమరుడు కా॥వడ్కాపూర్ చంద్రమౌళి (బికే)తో కలిసి చలపతి ఎన్నో మిలటరీ దాడులకు వ్యూహ రచన చేసాడు. దాడులకు నేతృత్వం వహించాడు. అవి అన్నీ విజయవంతం అయ్యాయి. షార్ట్ సర్ప్రైజ్ ఎటాక్స్లో మంచి నైపుణ్యం సాధించాడు. బుడ్డిగడ్డ-బొడపాడు జాయింట్ రెయిడ్ (20-12-1998), ໕ ໖ (18-2-2000), 0 ໙໖ (9-8-2001), అనకాపల్లి-చోడవరం (నేషనల్ హైవే పైన) జంట రైయిడ్ (2002), కోరాపుట్లో మల్టిపుల్ షార్ట్ సర్ప్రైజ్ దాడి (6-2-2004), ఆర్.ఉదయగిరి మల్టిపుల్ షార్ట్ సర్జ్ దాడి (2006), నయాగఢ్ ఆపరేషన్ రోప్డ్వే (15-2-2008), దామన్ జోడి రైయిడ్ (2009) లాంటి కేంద్రీకృత దాడులు జరిగాయి. వీటిలో కోరాపుట్లో హెడ్క్వార్టర్ పై దాడితో పాటు జిల్లా పోలీసు ఆయుధాగారం, ట్రెజరీ, జిల్లా జైలు, టౌన్ పోలీసు స్టేషన్ మరో మూడు పోలీసు స్టేషన్లు లక్ష్యంగా జరిగిన ప్రతి దాడి క్యాంపెయిన్లో తొలి భారీ దాడిగా చెప్పవచ్చు. దీనిని ‘గెరిల్లా ఎత్తుగడల ఆధిక్యతను’, ‘అద్భుతశక్తిని’ ప్రదర్శిస్తూ ‘బీజప్రాయంలో ఆవిర్భవించిన ఒక మొబైల్ యుద్ధ చర్మ’ గా పేర్కొన్నారు. నయాగఢ్ దాడి ఒకేసారి 6 టార్గెట్స్ను కొట్టి 1200 తుపాకులను (సెమీ, ఆటో), 1,75,000 తూటాలను స్వాధీనం చేసుకున్న అతి పెద్ద ప్రతి దాడి చర్య. మొదటి సారిగా పీఎల్డీఏకి చెందిన బీహార్-జార్ఖండ్ బలగాలతో కలిసి ఒడిశా, ఏఒబి, డీకే బలగాలు చేసిన సంయుక్త దాడి ఇది. దీనికి రాజకీయ మిలటరీ ప్రాధాన్యత వుంది. ఆ తరువాత వెంటనే కేంద్ర, రాష్ట్ర ప్రభుత్వాలు ఒడిశా, ఆంధ్రా రెండు రాష్ట్రాలలో ఆపరేషన్ గోసామా (ఫిబ్రవరి 18 నుండి మార్చి 1 వరకు), ఆపరేషన్ ప్లష్ అవుట్ (మార్చి 17 వరకు) లను చేపట్టింది. అయినా ఫలితం దొరకలేదు. ఈ యుద్ధ చర్యల నిర్వహణలో వందల సంఖ్యలో వున్న బలగాలకు అన్ని రకాల సరఫరాలు అందించడంలోను, కార్యక్రమాల్లో భాగస్వామ్యం వహించడంలోను, ఆయుధాలను తరలించడంలోను ప్రజల సంపూర్ణ సహకారం వుంది. విప్లవ ప్రజలు చైతన్యవంతంగా పాల్గొనే విధంగా కామ్రేడ్ చలపతి నాయకత్వంలో దళాలు విశేషంగా కృషి చేసాయి. పార్టీ రాజకీయ-మిలటరీ పంథాను సరిగా అన్వయిస్తూ ప్రజల చైతన్య పూర్వక మద్దతును సంపాదించడంతో పాటు కంబాట్ స్కిల్స్లో పట్టు సంపాదించి సవివరమైన నిర్దిష్ట (మిటిక్యులస్) ప్లానింగ్తో సాధించిన మిలటరీ విజయాలు విప్లవ క్యాంపును ఉత్తేజపరచడంతో పాటు ప్రజాయుద్ధానికి అవసరమైన ఆయుధాలను, అనుభవాన్ని అందించాయి. ఉద్యమ పురోగమనానికి సహకరించాయి. కామ్రేడ్ చలపతి ప్రత్యక్ష పర్యవేక్షణలో 28-5-2008న విశాఖ జిల్లా గునకరాళ్ళలో జరిగిన డెలిబరేట్ ఆంబుష్కు ఒకేసారి అనేక వలయాలుగా వచ్చే శత్రువు పై దాడి చేసే పథకంగా దానికి చాలా ప్రాధాన్యత వున్నది. అలాగే తాను ప్రత్యక్షంగా లేకున్నా పథక రచన చేసి అమలు జరిగే విధంగా గైడ్ చేసిన బలిమెల ఘటన (38 మంది గ్రేహౌండ్స్ పోలీసులు చనిపోయారు) బలమైన ప్రభావం వేసింది. సిద్ధాంత, రాజకీయ స్పష్టతతో వున్న చలపతి పార్టీలో ముందుకొచ్చిన మితవాద, అతివాద అవకాశవాద రాజకీయాలను ఓడించడంలో ముందున్నాడు. సవ్యసాచి పాండా, శ్రీరాములు శ్రీనివాస్ ముందుకు తెచ్చిన మితవాద రాజకీయాలను వ్యతిరేకించాడు. అలాగే ఆదివాసీ ప్రాంతాలలో వర్గ పోరాటాలకు వున్న ప్రాధాన్యతను నొక్కి చెప్పాడు. ఉత్తరాంధ్ర వెనకబాటుతనానికి వ్యతిరేకంగా ఐక్య కార్యచరణతో కూడిన పోరాటం చేయాలన్న బలమైన డిమాండ్ను ముందుకు తెచ్చాడు. మన్యం పితూరీ జరిగిన తూర్పు కనుమల్లో పితూరీ సేన పేరుతో బలమైన మిలీషియా నిర్మాణానికి ఎంతో కృషి చేసాడు. అన్ని రకాల ప్రతిఘటన చర్యలలో స్థానిక మిలీషియాను ఎక్కువ సంఖ్యలో పాల్గొనే విధంగా చేసాడు. ప్రజా గెరిల్లా సైన్యం ఏర్పడిన వెంటనే డిసెంబర్ 2న ఒకే రోజు అనేక పోలీసు స్టేషన్ల పై మిలిటెంట్ చర్యలకు ప్రోత్సహించి, వారిలో ఉన్న శక్తిని, నైపుణ్యాన్ని బయటకు తీసి వారిలో ఆత్మవిశ్వాసాన్ని నింపాడు. యుద్ధ చర్యలకు అవసరమైన రిక్కీలు, రిహార్సల్స్, లాజిస్టిక్స్ సమీకరణ, బలగాల సమీకరణ, సరఫరాలు, మోటివేషన్ అన్ని దగ్గరుండి అత్యంత శ్రద్ధతో చేయడంతో కేడర్కు చలపతి పట్ల విశ్వాసం, నమ్మకం బలంగా వుండేవి. రాజకీయ, మిలటరీ విషయాలలో ఎప్పుడైనా తన నుండి పొరపాటు జరిగితే శషభిషలు లేకుండా ఆత్మవిమర్శకు సిద్ధపడేవాడు. అటువంటి సమస్యల నుండి బయటపడడానికి ప్రయత్నించేవాడు. చలపతి సూటితనం, నిజాయితీతో కేడర్ ప్రేమను పొందేవాడు. శ్రీకాకుళం-కోరాపుట్ డివిజన్ ఇన్ఛార్జిగా వున్నప్పుడు నారాయణపట్న భూపోరాటానికి మార్గదర్శకత్వం వహించాడు. భూస్వామ్య వ్యతిరేక పోరాటంలో రైతాంగానికి పీఎల్ జీఏ బలగాలు మద్దతు యిచ్చేలా గైడ్ చేసాడు.1990,2020 లలో ఒడిశాలో గొట్ట ఏరియా పాండ్రతల భూస్వామి రామారావుకు వ్యతిరేకంగా జరిగిన పోరాటం చాలా కాలం కొనసాగింది. 3 దశాబ్దాలుగా ఈస్ట్ డివిజన్ లో బాక్సైట్ పోరాటాన్ని నడిపిన దానిలో కామ్రేడ్ చలపతి పాత్ర వుంది. బాక్సైట్ తవ్వకాలను నిలువరిస్తూ, రాష్ట్ర ప్రభుత్వాలు (కాంగ్రెస్, టిడిపి, వైఎస్సార్సిపి)చేసుకున్న ఒప్పందాలను వెనక్కి తీసుకునే విధంగా ప్రజా ఉద్యమాన్ని నిరంతరం కొనసాగించి, మిలిటెంట్ చర్యల ద్వారా ప్రజల పోరాట పటిమను పెంపొందించే విధంగా కృషి చేసాడు.
బాక్సైట్ వ్యతిరేక పోరాటం:
బాక్సైట్ వ్యతిరేక పోరాటంలో మన్యం ప్రజలు రాష్ట్ర ప్రభుత్వం, పోలీసులకు వ్యతిరేకంగా “పొట్టకిచ్చినా, బట్టకిచ్చినా అడవే” అని బతుకుతున్న లక్షలాది మంది పోరాడి విజయం సాధించారు. ఆదివాసులు బాక్సైట్ వెలికితీత మూలంగా తాము సర్వస్వం కోల్పోతామని కనుక ప్రాణాలొడ్డయినా బాక్సైట్ తవ్వకాలను అడ్డుకుంటామని అనేక సం॥లుగా ఉద్యమించారు. 1/70 చట్టానికి వ్యతిరేకంగా జీవో నెంబర్-97, జీవో నెంబర్-222 ప్రత్యేక జీవోలను తెచ్చి బాక్సైట్ తవ్వకాలు చేయాలని టీడీపీ, వైఎస్ఆర్సీపీ ప్రభుత్వాలు చేసిన కుట్రలను కూడా ప్రజలు ప్రతిఘటించారు. జిందాల్, అన్రాక్, రసల్ ఆల్ ఖైమా కంపెనీలతో చేసుకున్న ఒప్పందాలను ఆదివాసీ ప్రజల ప్రతిఘటనతో రద్దు చేసారు. విశాఖ ఏజెన్సీలో అనంతగిరి, అరకు, చింతపల్లి, జీకేవీధి మండలాల పరిథిలోను, తూర్పు గోదావరి జిల్లా వై.రామవరం, మారేడిమిల్లి మండలాల పరిథిలోనూ 800 చ.కి.మీ విస్తీర్ణంలో 570 బిలియన్ టన్నుల మేలైన బాక్సైటు ఖనిజ నిక్షేపాలను అడవిని కాపాడుకోడానికి ప్రజలు పోరాడారు. ఇంకా పోరాడుతున్నారు. జల్, జంగల్, జమీన్, ఇజ్జత్, ఆత్మగౌరవ పోరాటాల వారసత్వాన్ని కొనసాగిస్తూ సాయుధంగా సమైక్యమయిన ఆదివాసీ పోరాట చైతన్యం వెనుక కామ్రేడ్ చలపతి నిర్వహించిన భూమిక ఎన్నదగినది
కాఫీ ప్లాంటేషన్స్ పోరాటం:
అలాగే ఈస్ట్ డివిజన్లో కాఫీ తోటల భూముల ఆక్రమణ, కాఫీ గింజల సేకరణ, కాఫీ తోటల పై ప్రజల హక్కు కోసం పారాటం కూడా 3 దశాబ్దాల కాలం నిరంతరం కొనసాగింది. కాఫీ ప్లాంటేషన్స్లో పని చేసే ఉద్యోగులను కూడా ఆర్గనైజ్ చేసి వారి సమస్యల మీద కూడా పోరాటాలు నిర్వహించడంలో కామ్రేడ్ చలపతి పాత్ర కీలకమైనది. విశాఖ మన్యంలో ఆదివాసీలకు అడవి పై హక్కును దూరం చేస్తూ ప్రభుత్వం 1980 దశకంలో ఏపీ ఎఫ్ఎసీకి మన్యంలోని వేలాది ఎకరాల భూమిని అప్పగించింది. ఆదివాసులను అందులో కూలీలుగా మార్చి వేసింది. 1990లలో పార్టీ “అడవి పై హక్కు ఆదివాసీలకే” అనే నినాదంతో కాఫీ తోటల ఆక్రమణ పోరాటానికి పిలుపునిచ్చింది. మొదట్లో కూలిరేట్ల పెంపుదల కోసం పోరాడిన ప్రజల చైతన్యం కాఫీ తోటల ఆక్రమణ పోరాట చైతన్యంగా మారి, ఆ పోరాటం క్రమంగా అత్యంత మిలిటెంట్ ఉద్యమంగా మారింది. 2007లో మర్రిపాకల ఎస్టేట్, 2010లో తీములబంద కుంకుంపూడి ఎస్టేట్, లంకపాకల, సప్పర్ల, బలపం ఎస్టేట్లను, 2015లో కొత్తూరు ఎస్టేట్ను ప్రజలు పోరాడి స్వాధీనం చేసుకున్నారు. 2016లో పెరిగిన నిర్బంధం తర్వాత కూడా 2018లో చాపగడ్డ ఎస్టేట్ పోరాట కమిటి ఏర్పడింది. 2019 ఏప్రిల్లో ఆర్.వీ. నగర్ డివిజన్ మేనేజరును ప్రజాకోర్టులో ప్రజలు హెచ్చరించి వదిలిపెట్టారు. దానితో డీఎమ్ రాజీనామా చేసి వెళ్ళి పోయాడు. ఏఒబి ఎస్ జెడ్సీ ఒక కమిటీని ఏర్పాటు చేసి 2020 ఏప్రిల్లో కా॥చలపతి పర్యవేక్షణలో సమాచార సేకరణ చేసింది. పోరాటాన్ని కొనసాగించాలని కమిటీ నిర్ణయించి అనేక గ్రామాల్లో ప్రజలను కదిలించింది.
నారాయణపట్నం భూస్వామ్య వ్యతిరేక పోరాటం:
ఒడిశాలో కోరాపుట్ జిల్లా నారాయణపట్నంలో జరిగిన భూపోరాటం ఆ ప్రాంతంలోని కువ్వి ఆదివాసీ ప్రజల గొప్ప పోరాట శక్తిని, తెగువను చాటి చెప్పింది. 2009 నవంబర్ 20న నారాయణపట్నా పోలీసు నిర్బంధానికి వ్యతిరేకంగా జరిగిన ర్యాలీ పై కాల్పులు జరిపి ఆదివాసీ యువకులు సింగన్న, ఆండ్రూలను పోలీసులు హత్య చేసారు. ఆ ప్రాంత ప్రజలపై అనేకసార్లు దాడులు చేసి మహిళల పై అత్యాచారాలు, హత్యలు చేసారు. పంటలను ధ్వంసం చేసారు. ప్రజల్ని బలవంతంగా సరెండర్ చేయించారు. అయినా ప్రజలు భయపడకుండా పోరాడి భూస్వాములు అన్యాయంగా లాక్కున్న భూములను సాధించుకున్నారు. కా॥చలపతి నాయకత్వంలో 2003 నుండి కోరాపుట్ ఏరియాలో కేంద్రీకరించి పని చేయడంతో అక్కడి ఆదివాసీలు ఎదుర్కొంటున్న భూమి సమస్య పార్టీ దృష్టికి వచ్చింది. 2004లో జరిగిన కోరాపుట్ దాడి సందర్భంగా, 2009 ఏప్రిల్లో చేసిన దామనజోడి నాల్కో పంచవటి మహల్ ఆయుధ గోడౌన్ పై పీఎల్బీఏ దాడి సందర్భంగా, అలాగే 2009 టీసీఒసీలో భాగంగా జూన్ నెలలో జరిగిన సాలూరు డెలిబరేట్ ఆంబుష్, కరువు దాడి మున్నగు వాటిల్లో అన్ని విధాల సహకరించిన ప్రజలలో వున్న పోరాట సంసిద్ధత కనుగుణంగా భూపోరాటాన్ని మిలిటెంట్గా నిర్వహించడం జరిగింది.శభూస్వాములు అధికారుల అండతో అక్రమ పట్టాలతోను, పట్టాలు లేకుండాను అక్రమంగా 2,500 ఎకరాల భూమిని ఆదివాసుల నుండి అక్రమంగా లాక్కున్నారు. ఆంధ్రప్రదేశ్లో 1/70 చట్టం వున్నట్లే ఒడిశాలో 2/56 చట్టం వున్నప్పటికీ కుట్ర పద్ధతుల్లో కాజేసారు. 2009 జూన్లో ఛాసిమూలియా సంఘం నాయకత్వంలో మనోబల్ మీటింగ్లు జరిపి “దున్నేవారికే భూమి నినాదం”తో ప్రజలు భూపోరాటానికి సిద్ధమయ్యారు. నారాయణపట్నాలో పెద్ద భ్యూస్వాములైన కుంజోపోడి, కుసరాజులకు సంబంధించిన 700ల ఎకరాలతో పాటు మొత్తం 2,500 ఎకరాల భూముల్లో ఎర్రజెండాలు పాతి భూములు స్వాధీనం చేసుకున్నారు. బొరిగి, నాగులబెడ్డలలో 2007లో మొదలైన భూస్వామ్య వ్యతిరేక భూ ఆక్రమణ పోరాటం నారాయణపట్న పోరాటంతో ఊపు అందుకుని 7 పంచాయితీలలో 159 గ్రామాలకు విస్తరించింది. 2010లో, 2012లో బందుగాం బ్లాక్ లోని అనేక గ్రామాల్లో వేలాదిగా ప్రజలు పోరాడి భూములు స్వాధీనం చేసుకున్నారు.
విద్యార్థి, యువజనులను ఆర్గనైజ్ చేయడంలో వచ్చిన అనుభవం క్రమంగా రైతాంగ పోరాటాలను, ఆదివాసీ ప్రజల సమస్యలపై, జీడిపిక్కలు, గొచ్చకందులు, పసుపు మొదలగు పంటల గిట్టుబాటు ధరల కోసం పోరాటాలు నిర్వహించడానికి చలపతికి ఎంతో తోడ్పడింది. గంజాయి పండించడాన్ని నిరుత్సాహపరిచి, వారి అభివృద్ధి, సంక్షేమం కోసం పార్టీ నిధుల్ని
కేటాయించే విధంగా కృషి చేశాడు.
2018లో ఎమ్ఎల్ఎ కిడారి సర్వేశ్వర్రావు, మాజీ ఎమ్ఎల్ఎ సివేరి సోమాల ఖతం కార్యక్రమ రూపకల్పనలో చలపతి వున్నాడు. ప్రజలను మాయమాటలతో మోసగించి బాక్సైట్ తవ్వకాలకు, వారిద్దరూ సహకరిస్తున్నారని, ప్రజా వ్యతిరేకులకు శిక్ష తప్పదని గట్టిగా హెచ్చరించింది ఆ చర్య. చలపతి వర్గ శత్రువుల పట్ల, పోలీసు ఇన్ఫార్మర్ల పట్ల కఠిన వైఖరితో వ్యవహరించేవాడు.
పోలీసు కౌన్సిలింగ్ అంతా కపట నాటకమని, ఇది విప్లవోద్యమం పై మరోదాడి అని విశ్లేషణాత్మకంగా వివరించేవాడు. కేడర్ తల్లితండ్రులుతో ప్రత్యక్షంగా మాట్లాడేవాడు. పోలీసు కుట్రలను బహిర్గతపరుస్తూ పోస్టర్లు, కరపత్రాల ద్వారా ప్రచారం చేయించేవాడు. నిర్దిష్ట అధ్యయనం చేస్తూ, కేడర్ కు ముఖ్యమైన అంశాల పై క్లాసులు చెబుతూ ఉద్యమ అవసరాల కనుగుణంగా తాను ఎదుగుతూ, కేడర్ను ఎదిగిస్తూ ఏఒబి ఉద్యమాన్ని నిలబెట్టడానికి కృషి చేసాడు. సహనం, సహకార గుణంతో ఓపికగా వుండేవాడు. కష్టమైన పనులను కూడా బాధ్యతపడి నిర్వహించేవాడు. కేడర్కు ప్రాధాన్యతనిచ్చి వారి చైతన్యానికి అనుగుణంగా వ్యవహరించడం చలపతి కున్న మంచి లక్షణం. తీవ్రమైన అనారోగ్యం, నడకలో కాళ్ళు సహకరించక రెండు కర్రల సహాయంతో నడవాల్సిన పరిస్థితి వున్నా గాని తన కిచ్చిన కర్తవ్యం కోసం అనేక కి.మీ. దూరాన్ని రాష్ట్రాలు దాటి ప్రయాణించాడు. తనకంటూ ప్రత్యేకం ఏమీ కొని మంచి నాయకుడుగా, ఆదర్శవంతమైన కమ్యూనిస్టుగా చలపతిని గురించి కేడర్ చెప్పుకుంటారు. బలగాలతో వుంటూ, బలగాల విశ్వాసాన్ని చూరగొన్న చలపతి చివరి రోజుల్లో తన విశ్వాసాల కనుగుణంగా అన్ని రకాల పనులు చేయలేక పోతున్నానని మధనపడేవాడు. ఒడిశా రాష్ట్ర విప్లవోద్యమం ఎదుర్కొంటున్న సమస్యలకు పరిష్కారం కనుగొనే క్రమంలోనే కా॥చలపతి అమరుడు కావడం అక్కడి ఉద్యమానికి, భారత విప్లవోద్యమానికి ఎంతో నష్టం. కా॥చలపతి మొదట వివాహం చేసుకున్న కామ్రేడ్ అరుణ (ఉద్దానం కామ్రేడ్) ప్రమాదవశాత్తు అమరురాలైంది. 2000లో మరో కామ్రేడ్ తో వివాహం జరిగింది. ఆమె కొంత కాలం తరువాత ఉద్యమం నుండి బయటికి వెళ్ళిపోయింది. తర్వాత ఉద్యమంలోనే మరో కామ్రేడ్ పరస్పర ఇష్టంతో వివాహం జరిగింది. జీవిత సహచరులు అభివృద్ధికి సహాయపడేవాడు. కేంద్ర కర్తవ్యానికి ప్రాధాన్యత నిచ్చి పని చేయడం, కేంద్ర గెరిల్లా బేస్ చుట్టూ విస్తృతంగా ఉద్యమాన్ని అభివృద్ధి చేసి శత్రువును వికేంద్రీకరించడం అనే దీర్ఘకాల ప్రజాయుద్ధ పంథాకు కట్టుబడి శక్తి వంచన లేకుండా కృషి చేసిన కామ్రేడ్ చలపతి పీడిత ప్రజల ముద్దుబిడ్డ. ప్రజాయుద్ధ వీరుడు.
ప్రచార కమిటీ, సెంట్రల్ రీజనల్ బ్యూరో, సీపీఐ (మావోయిస్టు)
