ధర్మ రక్ష ఫౌండేషన్ ఛైర్మెన్ చీకోటి ప్రవీణ్…
దిశ దశ, కరీంనగర్:
హిందూ సమాజ అభ్యున్నతి కోసం పాటుపడే వారికి మద్దతు ఎప్పుడూ ఉంటుందని ధర్మ రక్ష ఫౌండేషన్ ఛైర్మెన్ చీకోటి ప్రవీణ్ అన్నారు. శనివారం కరీంనగర్ లో మల్టీ బ్రాండెడ్ సైకిల్ షోరూం ప్రారంభించిన అనంతరం ఆయన మీడియాతో మాట్లాడుతూ… తెలంగాణ రాష్ట్రంలో ఏ పార్టీకి పూర్తి మెజార్టీ రాదన్నారు. మూడు నుండి నాలుగు వేల ఓట్ల ఆధిక్యతతో మాత్రమే ఎమ్మెల్యేలు గెలుస్తారన్నారు. రాష్ట్రంలో హిందూ దేవుళ్ల కోసం, హిందూ సమాజాం కోసం పనిచేసే ఏ ప్రభుత్వానికైనా తన మద్దతు ఉంటుందన్నారు. తెలంగాణ ఓటర్లు కూడా హిందూ సమాజ అభ్యున్నతి కోసం పాటు పడే వారికి ఓట్లు వేయాలని పిలుపునిచ్చారు. తాను ఎన్నికల్లో పోటీ చేసే విషయంపై వారం పదిరోజుల్లో క్లారిటీ ఇస్తానని చీకోటి ప్రవీణ్ వెల్లడించారు.
