కోలీవుడ్ స్టార్ హీరో ధనుష్ ఖరీదైన ఇంటిని నిర్మించుకున్నాడు. విలాసవంతమైన ఇంటిని చెన్నైలో కట్టుకున్నాడు. ఎప్పటినుంచో కొత్త ఇంటిని నిర్మించుకోవాలని ధనుష్ భావిస్తున్నాడు. ఇటీవల కొత్త ఇంటి నిర్మాణం పూర్తవ్వగా.. తాజాగా కుటుంబసభ్యులతో కలిసి కొత్త ఇంట్లోకి గృహప్రవేశం చేశాడు. ఈ కొత్త ఇంటి నిర్మాణానికి రూ.కోట్లలో ఖర్చు అయినట్లు కోలీవుడ్ మీడియాలో వార్తలు చక్కర్లు కొడుతున్నాయి.
చెన్నైలోని పోయిస్ గార్డెన్‌లో ఈ లగ్జరీ ఇల్లు ధనుష్ నిర్మించుకున్నాడు. దీని విలువ దాదాపు రూ.150 కోట్లు ఉంటుందని మీడియాలో ప్రచారం జరుగతోంది. తాజాగా పేరెంట్స్‌తో కలిసి కొత్త ఇంట్లోకి ధనుష్ గృహప్రవేశం చేయగా.. దీనికి సంబంధించిన ఫొటోలు ప్రస్తుతం సోషల్ మీడియాలో వైరల్ గా మారాయి. ఈ గృహప్రవేశ కార్యక్రమంలో ధనుష్ స్నేహితుడు కూడా పాల్గొన్నారు. ఈ కాస్ట్ లీ ఇంటిని తన తల్లిదండ్రులకు ధనుష్ గిఫ్ట్ గా ఇచ్చాడు.
ధనుష్ ఇంటి గృహప్రవేశానికి సంబంధించిన ఫొటోలను దర్శకుడు సుబ్రహ్మణ్యం శివ సోషల్ మీడియాలో షేర్ చేశాడు. ఈ సందర్భంగా ధనుష్ ఇల్లు దేవాలయంలా ఉందని, తల్లిదండ్రులకు మంచి గిఫ్ట్ ఇచ్చి స్వర్గంలో నివసించేలా చేస్తున్నాడిని పొగడ్తలు కురిపించాడు. బ్రతికున్నప్పడే తల్లిదండ్రులను దేవుళ్లలా కొలుస్తున్నాడని, ధనుష్ గ్రేట్ అంటూ ట్వీట్ చేశాడు.
తెలుగులో సర్ అనే సినిమాతో ధనుష్ అడుగుపెట్టాడు. ఇటీవలే ఈ సినిమా విడుదల అవ్వగా. . మూడు రోజులకు తెలుగు వెర్షన్ రూ.16 కోట్ల కలెక్షన్లు రాబట్టింది. జీవీ ప్రకాష్ ఈ సినిమాకు మ్యూజిక్ అందించగా.. వెంకీ అట్లూరి దర్శకత్వం వహించాడు. సితార ఎంటర్‌టైన్‌మెంట్స్ బ్యానర్‌పై నాగవంశీ ఈ సినిమాను నిర్మించాడు. ప్రస్తుతం టాలీవుడ్ లో పెద్ద హీరోల సినిమాలతో పాటు చిన్న హీరోల సినిమాలు కూడా ఏమీ లేకవపోడంతో సర్ సినిమా మంచి కలెక్షన్లను రాబడుతోంది.తెలుగుతో పాటు తమిళంలోనూ ఈ సినిమా బాగా ఆడుతోంది.అన్ని భాషల్లో కలిసి ఇప్పటివరకు రూ.50 కోట్లకుపైగా సాధించినట్లు చెబుతున్నారు.
