కరీంనగర్ లో భారీ అగ్నిప్రమాదం… పూరిళ్లు దగ్దం

దిశ దశ, కరీంనగర్:

కరీంనగర్ లోని ఆదర్శనగర్ లో భారీ అగ్ని ప్రమాదం చోటు చేసుకుంది. నగరంలోని ఆదర్శనగర్ లో వంట గ్యాస్ సిలిండెర్లు పేలడంతో ఈ అగ్నిప్రమాదం సంభవించినట్టుగా తెలుస్తోంది. ఈ ఘటనలో దాదాపు 50 పూరిండ్లు దగ్దం అయి ఉంటాయని ప్రాథమికంగా అంచనా వేస్తున్నారు. మంగళవారం ఉదయం జరిగినతో పూరిండ్లన్ని కూడా కాలి బూడిదయ్యాయి. ఈ సమాచారం అందుకున్న ఫైర్ డిపార్ట్ మెంట్ అధికారులు మంటలను ఆర్పే ప్రయత్నం చేస్తున్నారు. భారీ ఎత్తున శబ్దం రావడంతో ఎదో విస్పోటనం జరిగి ఉంటుందని స్థానికులు ఒక్కసారిగా భయకంపితులు అయ్యారు.