దిశ దశ, జాతీయం:
బంగ్లాదేశ్ పరిణామాలను సునిశితంగా పరిశీలిస్తున్న కేంద్ర ప్రభుత్వం అక్కడ నివసిస్తున్న హిందువుల కోసం ప్రత్యేక చర్యలు తీసుకునేందుకు ఉపక్రమించింది. అక్కడ నివిస్తున్న హిందువుల భద్రత కోసం ఓ కమిటీని వేయాలని నిర్ణయించింది. కేంద్ర హోం మంత్రిత్వ శాఖ ఆధ్వర్యంలో వేసిన ఈ కమిటీ బంగ్లాదేశ్ హిందువులను రక్షించేందుకు ప్రత్యేక చొరవ తీసుకోనుంది. ప్రధాన మంత్రి నరేంద్ర మోడీ ఈ మేరకు నిర్ణయం తీసుకున్నట్టుగా తెలుస్తోంది. ఈ ఉన్నత స్థాయి కమిటీలో ఏడీజీ, సరిహద్దు భద్రతా దళం, తూర్పు కమాండ్ నేతృత్వంలో ఏర్పాటు చేసినట్టుగా సమాచారం. తమ కౌంటర్ పార్ట్ అధికారులతో కమ్యూనికేషన్ ఛానెల్ ఏర్పాటు చేసుకుని బంగ్లాదేశ్ హిందువులను కాపాడాలని భావిస్తోంది.
