బుల్లితెరపై ప్రసారం అవుతున్న పాపులర్ షోలలో జబర్దస్త్ ఒకటి. ఈ షో ఎంతగా హిట్ అయిందంటే ‘‘జబర్దస్త్’ ఎక్స్‌స్టా్ జబర్దస్త్’’ అంటూ రెండు షోలుగా రన్ అయ్యే్ంతలా పాపులర్ అయింది. ఈ జబర్దస్త్ ఎంతో మంది కమెడియన్స్‌కు లైఫ్ ఇచ్చిందని కూడా చెప్పకోవచ్చు. అయితే జబర్దస్త్ స్టాటింగ్‌లో ఉన్న వారిలో చాలా మంది ఆ షోను వదిలి బయటకు వెళ్లారు. కమెడియన్ల దగ్గర నుండి, యాంకర్, జడ్జ్‌లు కూడా మారారు. అయితే ఈ క్రమంలోనే నాగాబాబు కూడా జబర్ధస్త్‌ను వీడిన సంగతి తెలిసిందే. అప్పట్లో దీనిపై అనేక రూమర్స్ వచ్చాయి. షో నిర్వహకులతో పడకపోవడడంతోనే నాగబాబు బయటకు వచ్చారని వార్తలు వినిపించాయి. అయితే వాటన్నిటిపై తాజా ఇంటర్వ్యూలో క్లారిటీ ఇచ్చారు నాగబాబు.
నాగబాబు మాట్లాడుతూ.. బుల్లితెరపై నాకు పాపులారిటీ తెచ్చిన షో లలో ‘‘జబర్ధస్త్’’ ఒకటి. నేను జబర్ధస్త్‌లో ఉన్నంత కాలం చాలా సంతోషంగా ఉన్నాను. ప్రజలకు చాలా దగ్గరయ్యాను. జబర్ధస్త్ నుంచి నా అంతట నేను వచ్చాను అని చెప్పారు నాగబాబు. మల్లెమాల హెడ్ శ్యామ్‌తో, ఈటీవీ వారితో తనకు ఎలాంటి విభేదాలు లేవు. కానీ.. అందులో ఓ ఎంప్లాయ్ వల్ల నేను బయటకు వచ్చాను. యాజమాన్యం దగ్గర మార్కులు కొట్టేందుకు మేనేజర్ స్థాయి ఉద్యోగులు చేసిన అతి యాటిట్యూడ్ చూపించడం వల్ల తాను కాస్త ఇబ్బంది పడ్డానని అందువల్లే బయటకు రావాల్సి వచ్చిందని చెప్పుకొచ్చారు. అయితే అది వాళ్ల పాలసీ కావచ్చు.. కానీ నేను అక్కడ ఇమడ లేక పోయాను అందుకే వచ్చేశానని తెలిపారు. అంతే కాకుండా కమెడియన్స్‌ని కూడా నేను ఎవరిని రమ్మని చెప్పలేదు. ఎవరికి వారు వారంతటే వారే బయటకు వచ్చారని తెలిపారు నాగబాబు.
