రమేష్ చెప్పాల దర్శకత్వంలో తెరకెక్కిస్తున్న ‘భీమదేవరపల్లి బ్రాంచి’ సినిమా టీజర్‌ను మంత్రి కేటీఆర్ విడుదల చేశారు. మంచి కాన్సెప్ట్‌తో వస్తున్న ‘భీమదేవరపల్లి బ్రాంచి’ మూవీ టీజర్‌ను చూసి చాలా ఇంప్రెస్స్ అయ్యానని కేటీఆర్ తెలిపారు. అలాగే మంచి మెసేజ్ ఉన్న సినిమా అని అర్థం అవుతోందన్నారు. పూర్తి సినిమాను తప్పకుండా చూస్తానని కేటీఆర్ చెప్పారు.
AB సినిమాస్ & నిహాల్ ప్రొడక్షన్స్ పతాకంపై తెరకెక్కిస్తున్న ‘భీమదేవరపల్లి బ్రాంచి’ సినిమాలో అంజి వల్గుమాన్, రాజవ్వ, సుధాకర్ రెడ్డి, డా:కీర్తి లత గౌడ్, అభిరామ్, రూప శ్రీనివాస్, సాయి ప్రసన్నలు నటిస్తున్నారు. ఈ మూవీని డాక్టర్ బత్తిని కీర్తిలత గౌడ్,రాజా నరేందర్ చెట్లపెల్లిలు సంయుక్తంగా నిర్మిస్తున్నారు. అయితే ఇంతకు ముందు ఎంతో మంది దర్శకులు, నిర్మాతలు, రామ్ గోపాల్ వర్మ తన సినిమాలో నటించమని అడిగిన వద్దని చెప్పిన ప్రఖ్యాత రాజకీయ విశ్లేషకులు ప్రొఫెసర్ నాగేశ్వర్, సీబీఐ మాజీ డైరెక్టర్ లక్ష్మీనారాయణ, నాయకులు అద్దంకి దయాకర్, ఈ సినిమాలో నటించడం విశేషం. ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ చిత్రానికి సంబంధించన టీజర్‌ను కేటీఆర్ విడుదల చేశారు.
