మాజీ విశ్వసుందరి, బాలీవుడ్ హీరోయిన్ సుస్మితా సేన్ గురించి అందరికీ తెలిసిందే. తెలుగుతో పాటు తమిళం, హిందీ భాషల్లో అనేక సినిమాల్లో ఆమె నటించింది. 1994లో విశ్వసుందరిగా నిలిచిన ఆమె.. ఆ తర్వాత సినిమాల్లోనూ మంచి పేరు తెచ్చుకుంది. ఇటీవల ఐపీఎల్ మాజీ చైర్మన్ లలిత్ మోదీతో ఈ సుందరి ప్రేమాయణం కూడా నడిపింది. విదేశాల్లో వీరిద్దరూ కలిసి ఉన్న ఫొటోలు సోషల్ మీడియాలో వైరల్ గా మారాయి.
లలిత్ మోదీ, సుస్మితా సేన్ కూడా తాము రిలేషన్‌లో ఉన్నామనే వార్తలను సమర్ధిస్తూ సోషల్ మీడియాలో పోస్ట్ పెట్టారు. దీంతో ఈ జంట పెళ్లి కూడా చేసుకోబోతుందనే వార్తలు సోషల్ మీడియాలో వినిపించాయి. కానీ ఆ తర్వాత ఏమైందో ఏమో కానీ కొద్దికాలానికి వీరిద్దరి లవ్ బ్రేకప్ అయిందనే వార్తలు వినిపించాయి. దీంతో వీరిద్దరి లవ్ ఎఫైర్ అప్పట్లో చర్చనీయాంశంగా మారింది.
ఈ క్రమంలో తాజాగా సుస్మితా సేన్ మరోసారి వార్తల్లోకి ఎక్కింది. ఖరీదైన మెర్సిడెజ్ బెంజ్ కారు ఆమె కొనుగోలు చేసింది. తాను కొనుగోలు చేసిన కారు ఫొటోలను సుస్మితా సేన్ తన ఇన్‌స్టాగ్రామ్ లో పోస్ట్ చేసింది. తనకే తాను ఈ కారు గిఫ్ట్ ఇచ్చుకున్నట్లు స్పష్టం చేసింది. ఈ మేరకు ఒక వీడియోను విడుదల చేసింది. డ్రైవింగ్ ను బాగా ఇష్టపడే మహిళకు ఈ గిఫ్ట్ ను తనకు తానే ఇచ్చుకున్నట్లు వీడియోలో పేర్కొంది. దీంతో సుస్మితా సేన్ కు అభిమానులు సోషల్ మీడియాలో కంగ్రాట్స్ చెబుతున్నారు.
అయితే ఈ మెర్సిడెజ్ కారు విలువ రూ.1.92 కోట్లుగా ఉంది. ప్రస్తుతం ఆర్య-3 సీరియల్ లో సుస్మితా సేన్ నటిస్తోంది. దీనికి రామ్ మాధ్వాని దర్శకత్వం వహించగా.. ఇందులో నమిత్ దాస్, మనీష్ చౌదరి, సికిందర్ ఖేర్, వినోద్ రావత్ ఇందులో నటించనున్నారు. దీంతో పాటు సుస్మిత తాళి అనే కొత్త వెబ్ సిరీస్ లో సుస్మితా సేన్ నటిస్తోంది. ఇందులో ట్రాన్స్ జెండర్ అనే పాత్రలో సుస్మితాసేన్ నటిస్తోంది.
