సూపర్ స్టార్ మహేష్ బాబు చాలా సింపుల్‌గా కనిపిస్తారు. స్టార్ హీరో అయినా సరే చాలా సాధారణంగా ఉంటారు. పెద్దగా హడావుడి లేకుండా సామాన్య వ్యక్తిలాగే కనిపిస్తారు. ఎలాంటి వివాదాలు, గొడవల జోలికి వెళ్లరు. తన పని తాను చేసుకుంటూ ఉంటారు. అందుకే మహేష్ బాబును వ్యక్తిగతంగా కూడా చాలామంది అభిమానిస్తారు. కొంతమంది స్టార్ డమ్ లాగానే చుట్టుపక్కల బౌన్సర్లను పెట్టుకుని రక్షణ వలయంలో ఉంటారు. కానీ మహేష్ బాబు దగ్గర అంత హడావుడి ఉండదు.
షూటింగ్ లు, ఆడియో పంక్షన్స్ కు తప్పితే మహేష్ బాబు పెద్దగా బయట కనిపించరు. ఫ్యామిలీతో కలిసి ఇంట్లోనే ఎక్కువగా గడుపుతూ ఉంటారు. విదేశీ టూర్స్ కు ఫ్యామిలీతో కలిసి ఎక్కువగా వెళుతూ ఉంటారు. దానికి సంబంధించిన ఫొటోలు సోషల్ మీడియాలోనే పంచుకుంటూ ఉంటారు. తాను ఫ్యామిలీమ్యాన్ అని, షూటింగ్ లేకపోతే ఇంట్లోనే కుటంబంతో గడుపుతానని హహేష్ బాబు చెబుతూ ఉంటారు.
అయితే మహేష్ బాబు తాజాగా హైటెక్ సిటీలోని ఓ ఆధార్ కార్డు వెరిఫికేషన్ సెంటర్ కు వెళ్లారు. రాయదుర్గం చెరువు దగ్గర ఉన్న ఆధార్ కార్డు వెరిఫికేషన్ సెంటర్ కు వెళ్లారు. తన ఆధార్ వెరిఫికేషన్ కోసం ఒక్కడే సాధారణ వ్యక్తిలా ఎలాంటి హడావుడి లేకుండా సెంటర్ కు వచ్చారు. మహేష్ ఆధార్ వెరిఫికేషన్ చేయించుకున్న సమయంలో కొంతమంది ఆఫీస్ సిబ్బంది దానిని వీడియో తీసి సోషల్ మీడియాలో షేర్ చేశారు. దీంతో ఈ వీడియో సోషల్ మీడియాలో వైరల్ గామారింది.
ఇందులో మహేష్ బాబు స్ట్రైలిష్ లుక్ లో కనిపించారు. లాంగ్ హెయిర్ కట్, క్యాజువల్ షర్ట్ లో ఉన్నాడు. మహేష్ బాబు ఒక్కడే సాధారణ వ్యక్తిలా ఆధార్ సెంటర్ కు రావడం చూసి అందరూ ఆశ్చర్యపోయారు. అయితే ప్రస్తుతం త్రివిక్రమ్ దర్శకత్వంలో తెరకెక్కుతున్న ఎస్‌ఎస్‌ఎమ్‌బి 28 సినిమాలో మహేష్ నటిస్తున్నాడు. ఈ సినిమా షూటింగ్ ప్రస్తుతం హైదరాబాద్ లోనే జరుగుతుంది.
