దిశ దశ, దండకారణ్యం:
చత్తీస్ గడ్ లోని బలగాల క్యాంపుపై మావోయిస్టులు దాడి చేశారు. శుక్రవారం రాత్రి 7 గంటల ప్రాంతంలో మావోయిస్టు నక్సల్స్ సుక్మా జిల్లా జాగర్గుండా పోలీస్ స్టేషన్ పరిధిలోని పువ్వర్తిలోని బలగాల క్యాంపుపై దాడి చేశారు. బేస్ క్యాంప్ లో అప్రమత్తంగా ఉన్న పోలీసు బలగాలు ఎదురు కాల్పులు జరపడంతో నక్సల్స్ అక్కడి నుండి వెల్లిపోయారు. ప్రాథమికంగా అందిన సమాచారం బట్టి బలగాలకు ఎలాంటి నష్టం వాటిల్లలేదని అధికారిక వర్గాలు తెలిపాయి.
