టాలీవుడ్ ప్రముఖ హీరో నందమూరి బాలకృష్ణ అంటే మాస్ కా బాప్. తనను అభిమానులు మొన్నటి వరకు థియేటర్స్‌లోనే చూసే అవకాశం ఉండేది. ప్రస్తుతం టాక్ షో, యాడ్స్‌లో సైతం కనిపిస్తూ ప్రేక్షకులను అలరిస్తున్నాడు. అన్‌స్టాపబుల్ షోతో ప్రేక్షకులకు మరింత దగ్గరయ్యాడు. దీంతో ఆయన ఫ్యాన్స్ కానీ వారు సైతం ఆహా ఓటీటీలో వచ్చే అన్‌స్టాపబుల్ షో చూసి.. జై బాలయ్య అంటూ గోల గోల చేస్తున్నారు.
ఆహా ఓటీటీలో నందమూరి బాలకృష్ణ హోస్ట్ చేస్తున్న అన్ స్టాపబుల్ షో తెలుగు రాష్ట్రాల్లోనే కాకుండా దేశ, విదేశాల్లో సందడి చేస్తోంది. షోలో బాలకృష్ణ అతిథులను ఇంటర్వ్యూ చేసే తీరు, సరదా సంభాషణలు ప్రేక్షకులకు ఆసక్తి కలిగిస్తున్నాయి. ఈ మధ్యే ప్రభాస్ తో నిర్వహించిన షో ఫుల్ హిట్ అయ్యింది. గోపీచంద్ కూడా హాజరవడంతో రెండు ఎపిసోడ్స్ పాటు దీన్ని టెలీకాస్ట్ చేశారు. ఇప్పుడు పవర్ స్టార్ పవన్ కల్యాణ్ తో బాలయ్య షో కోసం అందరూ ఆసక్తిగా ఎదురు చూస్తున్నారు.
సంక్రాంతి సందర్భంగా ఈ షో గ్లింప్స్‌ను విడుదల చేశారు. చిన్న ప్రోమో అయినప్పటికీ హైప్ ఏర్పడింది. అన్నపూర్ణ స్టూడియోలో ఇద్దరు హీరోలకు సంబంధించి భారీ కటౌట్లు ఏర్పాట్లు చేశారు. బాలకృష్ణ, పవన్ లగ్జరీ కార్లలో స్టూడియోకి రాగానే అభిమానులు వారిపై పూల వర్షం కురిపించారు. సెట్ లోపలికి చేరుకోగానే పవన్ చేతిని పేకెత్తి బాలకృష్ణ అభివాదం చేశారు. గ్లింప్స్‌లో ఇద్దరి మధ్య పెద్దగా సంభాషణ లేకపోయినప్పటికీ యూట్యూబ్‌లో ఈ వీడియో హల్‌చల్ చేస్తోంది.
నిన్న పవన్ కల్యాణ్ ఎపిసోడ్ ప్రోమోను రిలీజ్ చేశారు. అయితే ఈ షోలో తనదైన స్టైల్‌లో రాజకీయ పరంగా, సినిమా పరంగా ప్రశ్నలు అడగడంతో అభిమానుల్లో ఆసక్తి నెలకొంది. పవన్ కల్యాణ్‌కు సంబంధించిన ఈ ఇంటర్వ్యూను రెండు ఎపిసోడ్లుగా మార్చారట. మొదటి ఎపిసోడ్ ఫిబ్రవరి 3వ తేదీన ప్రసారం చేసేందుకు ప్లాన్ చేయబోతున్నట్లు తెలుస్తోందది. ఈ ఎపిసోడ్ కోసం బాలయ్య, పవన్ ఫ్యాన్స్ ఆసక్తిగా ఎదురుచూస్తున్నారు.
