భాగ్యనగరం ఈ రేసింగ్ ఫార్మూలాతో అభిమానులను అలరిస్తున్న క్రమంలో ఓఅరుదైన సన్నివేశం చోటు చేసుకుంది. హైదరాబాద్ మహానగరంలో జరుగుతున్న ఈ రేసింగ్ గురించి ఓ వైపున అంతర్జాతీయ స్థాయిలో చర్చ జరుగుతున్న క్రమంలో ఇంటర్నేషనల్ లెవల్లో గుర్తింపు పొందిన ఓ పాటపై ప్రముఖ వ్యాపారవేత్త, సినిమా హీరోలు కలిసి డ్యాన్స్ చేయడం నెటిజన్లలో క్రేజీ నింపేసింది. ఈ రేసింగ్ కాంపిటీషన్ తో మాత్రమే కాదు మేము అలా సరదాగా కలిసి స్టెప్పులేశామంటూ ఇండస్ట్రియలిస్ట్ సోషల్ మీడియాలో పోస్ట్ చేయగానే మిలియన్స్ వ్యూస్ రావడం గమనార్హం.
నాటు నాటు అంటూ స్టెప్పులేసి…
అంతర్జాతీయ స్థాయిలో గుర్తింపు పొందిన RRR మూవీ గురించి అందరికీ తెలిసిందే. హాలీవుడ్ స్థాయిలో చిత్రీకరించిన ఈ సినిమాలో ‘నాటు నాటు’ పాటకున్న క్రేజీ అంతా ఇంతా కాదు. సాధారణంగా పాట పాడిందే చాలా మంది కోరస్ తో తమ గాత్రాన్ని కలబోస్తుంటారు. కానీ ఈ పాటకు మాత్రం స్టెప్పులేస్తుండడం సహజంగా మారిపోయింది. జాతీయ, అంతర్జాతీయ స్థాయిలో టాప్ లెవల్లో ఉన్న ఈ పాటకు ఆనంద్ మహింద్రా కూడా స్టెప్పులేశారు. హైదరాబాద్ వేదికగా ట్రిపుల్ ఆర్ హిరో రాంచరణ్ తో కలిసి నాటు నాటు పాటకు ఎలా స్టెప్పులేయాలో తెలుసుకుని ఇద్దరూ కలిసి చేసిన డ్యాన్స్ నెట్టింట వైరల్ అవుతోంది. ట్విట్టర్ లో ఆనంద్ మహింద్రా చేసిన ఈ పోస్టుకు గంటల్లోనే 13 లక్షలకు పైగా వ్యూస్ వచ్చాయంటే ఈ పాట క్రేజీ ఏంటో మరోసారి తేలిపోయింది. అంతేకాకుండా నెట్టింట్ ఎప్పుడూ యాక్టివ్ గా ఉండే ఆనంద్ మహింద్రా అంటే కూడా ఈ డ్యాన్స్ తో మరింత క్రేజీ సంపాదించుకున్నారనే చెప్పాలి.
Well apart from the race, one real bonus at the #HyderabadEPrix was getting lessons from @AlwaysRamCharan on the basic #NaatuNaatu steps. Thank you and good luck at the Oscars, my friend! pic.twitter.com/YUWTcCvCdw
— anand mahindra (@anandmahindra) February 11, 2023
