స్తంభించిన రాకపోకలు
దిశ దశ, కరీంనగర్:
కరీంనగర్ కోతిరాంపూర్ ప్రధాన రహదారిపై జరిగిన రోడ్డు ప్రమాదంలో ఒక వ్యక్తి అపస్మారక స్థితికి చేరుకున్నాడు. ఆర్టీసీ బస్సు, బైక్ ఢీ కొట్టుకోవడంతో అతని పరిస్థితి విషమంగా ఉండడంతో ఆసుపత్రికి తరలిస్తున్న క్రమంలో సదరు వ్యక్తి మృతి చెందాడు. అయితే ఈ మెయిన్ రోడ్డుపై డ్రంక్ డ్రైవ్ నిర్వహిస్తున్న క్రమంలోనే ప్రమాదం సంభవించిందని స్థానికులు ఆందోళన వ్యక్తం చేస్తున్నారు. దీంతో ఈ రహదారిపై వాహనాలు ఎక్కడికక్కడ నిలిచిపోయాయి. స్థానికులు రోడ్డుపై బైఠాయించడంతో ట్రాఫిక్ స్తంభించిపోయింది. హైదరాబాద్, వరంగల్ ల నుండి వస్తున్న వాహనాలు నిలిచిపోవడంతో ట్రాఫిక్ జాం అయింది. పోలీసు బలగాలు అక్కడకు చేరుకుంటున్నాయి.
