దిశ దశ, కరీంనగర్:
నరేంద్ర మోదీకి రెండో బహుమతి లభించింది. కరీంనగర్ సమీపంలోని చింతకుంటలో ఆయనకు మిక్సీ వచ్చింది. ఢిల్లిలో ఉన్న ప్రధాని నరేంద్ర మోదీకి కరీంనగర్ లో రెండో బహుమతి రావడం ఏంటనుకుంటున్నారా..? అసలు ట్విస్టు ఇదే మరి… ఇంతకీ ఏం జరిగిందంటే… కరీంనగర్ జిల్లాలోని కొత్తపల్లి మండలం చింతకుంట గ్రామంలో శక్తి యూత్ ఆధ్వర్యంలో శ్రీదేవి నవరాత్రోత్సవాలు నిర్వహించారు. ఈ సందర్బంగా నిర్వాహకులు లక్కీ డ్రా తీస్తున్నామని ప్రకటించారు. దీంతో స్థానికంగా ఉన్న చాలామంది లక్కి డ్రాలో టికెట్లు కొనుగోలు చేశారు. చింతకుంట గ్రామానికి చెదిన ప్రధాని నరేంద్ర మోది అభిమాని ప్రశాంత్ నరేంద్ర మోది పేరిట లక్కి డ్రాలో ఓ టికెట్ కొనుగోలు చేశారు. శరన్నవరాత్రి ఉత్సవాలు ముగియడంతో శక్తి యూత్ బాధ్యులు లక్కి డ్రా నిర్వహించగా రెండో బహుమతి నరేంద్ర మోదీ పేరిట టికెట్ కొనుగోలు చేసిన ప్రశాంత్ కు దక్కింది. దీంతో అతనికి నిర్వహాకులు మిక్సి అందించారు. అయితే భారత ప్రధాని నరేంద్ర మోదిపై ఉన్న అభిమానంతో ఆయన పేరిట టికెట్ కొనుగోలు చేశానని, లక్కీగా కలిసివచ్చిందని ప్రశాంత్ అంటున్నారు.
