ఇసుక లారీలతో ఇబ్బందులు
దిశ దశ, కరీంనగర్:
కరీంనగర్- జమ్మికుంట రహదారిపై రాకపోకలు నిలిచిపోయాయి. దాదాపు రెండు గంటలుగా ఇసుక లారీలు మానకొండూరులో నిలిచిపోవడంతో ఇతర వాహన దారులు తీవ్ర ఇబ్బందులు పడుతున్నారు. ఇసుక లారీలను స్థానికులు నిలిపివేయడంతోనే ఈ పరిస్థితి తయారైందని తెలుస్తోంది. కారణాలు ఏవైనా ఇసుక లారీలు కిలోమీటర్ దూరానికి పైగా నిలిపోవడంతో ఆ ప్రాంతం మీదుగా జమ్మికుంట వైపునకు, జమ్మికుంట నుండి కరీంనగర్ వైపునకు వచ్చే వాహన దారులు తీవ్ర ఇబ్బందులు పడుతున్నారు. మెయిన్ రోడ్డు కావడంతో ఓ పక్కన లారీలు పార్క్ చేసి ఉండడంతో వన్ వే మీదుగానే రెండు వైపులా. వాహనాల రాకపోకలు సాగించాల్సి వస్తోందని వాహనదారులు చెప్తున్నారు. ఈ విషయంపై డయల్ 100కు కాల్ చేసి చెప్పినా ఫలితం లేకుండా పోయిందని అంటున్నారు.
