ఢిల్లీ ఎక్సైజ్ కేసులో సమన్లు జారీ చేసిన కోర్టు

దిశ దశ, న్యూ ఢిల్లీ:

ఢిల్లీ ఎక్సైజ్ స్కాం కేసు రౌస్ ఎవిన్యూ కోర్టులో గురువారం విచారణ జరిగింది. సీబీఐ వేసిన రెండో అనుబంధ ఛార్జిషీట్ ను కోర్టు పరిగణనలోకి తీసుకుంది. ఈ మేరకు ఐదుగురు నిందితులకు సమన్లు జారీ చేసి ఈ నెల 22న కోర్టుకు హాజారు కావాలని ఆదేశించింది. రాజేష్ జోషీ, దామోదర్ ప్రసాద్ శర్మ, ప్రిన్స్ కుమార్, అరవింద్ కుమార్ సింగ్, చరణ్ ప్రీత్ సింగ్ లు కూడా ఈ కేసులో నిందితులని పేర్కొంటూ సీబీఐ ఛార్జి షీట్ లో పేర్కొంది. మరో వైపున ఈ కేసులో నిందితునిగా ఉన్న ఢిల్లీ మాజీ ఉప ముఖ్యమంత్రి మనిష్ సిసోడియాపై సీబీఐ ఛార్జిషీట్ వేసింది. ఈ కేసులో మొత్తంగా సీబీఐ మూడు ఛార్జిషీట్లు దాఖలు చేసింది. రెండో చార్జిషీట్ ఆధారంగా సమన్లు జారీ చేసిన ఐదుగురు నిందితులు హాజరు కావల్సిన ఆగస్టు 22నే ఢిల్లీ ఎక్సైజ్ పాలసీ ప్రధాన కేసు కూడా విచారణ ఉండడం గమనార్హం.