దిశ దశ, వికారాబాద్:
ఆగి ఉన్న గూడ్స్ రైలే కదా… ఎంచక్కా పట్టాలు దాటుతానుకుంది… ఆమె రైలు బోగిల మధ్యకు చేరుకున్న తరువాత ముందుకు కదలడంతో అక్కడున్న వారంతా ఉత్కంఠతకు గురయ్యారు. బోగిల మధ్య చిక్కుకున్న ఆమె తనకివే చివరి ఘడియలు అని అనుకుని కూడా ఉండవచ్చు. కానీ ఆమెకు సలహా ఇచ్చిన వెంటన పట్టాలపై పడుకోవడంతో సేఫ్ గా బయటపడింది. వికారాబాద్ రైల్వే స్టేషన్ లో సోమవారం జరిగిన ఈ ఘటన స్థానికులను భయాందోళనకు గురి చేసింది. వికారాబాద్ స్టేషన్ లో ఆగిన గూడ్స్ రైల్ మధ్య నుండి పట్టాలు దాటే ప్రయత్నం చేసిన ఓ మహిళకు ఎదురైన ఆ పరిస్థితిపై ప్రత్యక్ష్యంగా చూసిన వారంతా భూమ్మిద నూకలు ఇంకా మిగిలే ఉన్నాయంటూ వ్యాఖ్యానించారు. దీనికి సంబంధించిన వీడియో సోషల్ మీడియాలో వైరల్ అవుతోంది.
