నట కిరీటికి లైఫ్ టైం అచీవ్ మెంట్ అవార్డ్
దిశ దశ, అంతర్జాతీయం:
నాట్స్ డల్లాస్ తెలుగు వేడుకలు అమెరికాలో అంగరంగ వైభవంగా కొద్దిసేపటి క్రితం ప్రారంభం అయ్యాయి. ఉత్తర అమెరికా తెలుగు సంఘం నిర్వహణలో సాగుతున్న ఈ కార్యక్రమానికి తెలుగు రాష్ట్రాలకు చెందిన వారంతా వేల సంఖ్యలో హాజరయ్యారు. క్రెడిట్ యూనియన్ ఆఫ్ టెక్సాస్ ఈవెంట్ సెంటర్ లో జరుగుతున్న ఈ వేడుకలను పురస్కరించుకుని తెలుగు పాటలతో సభా ప్రాంగణమంతా హోరెత్తిపోతోంది. నటకిరీటి రాజేంద్ర ప్రసాద్ కు లైఫ్ టైం అచీవ్ మెంట్ అవార్డను అందజేయనున్న ఈ కార్యక్రమానికి తెలుగు రాష్ట్రాలకు చెందిన ప్రముఖ కళాకారులు కూడా హాజరయ్యారు. రెండు రోజులుగా జరుగుతున్న ఈ వేడుకలు సందర్భంగా అమెరికాలో సెటిల్ అయిన తెలుగు వారంతా ఒకే ప్రాంగణం వద్దకు చేరుకోవడంతో తెలుగుతనం ఉట్టిపడుతోంది. కేథరిన్ ట్రేసా, సత్యం రాజేష్, శ్రీనివాస్ రెడ్డి, సత్య, ఉదయ భానులు ప్రత్యేక ఆహ్వానితులుగా హాజరు కావడంతో వేదికకు సరికొత్త శోభను తెచ్చిపెట్టింది.
