నందమూరి అభిమానులకు,
ప్రేక్ష‌కులంద‌రికీ థాంక్స్ చెప్పిన కళ్యాణ్ రామ్

హీరో నంద‌మూరి క‌ళ్యాణ్ రామ్ బింబిసార తర్వాత వరసగా రెండో హిట్టును తన ఖాతాలో వేసుకున్నాడు. ఈ సందర్భంగా కళ్యాణ్ రామ్ మాట్లాడుతూ ‘‘నందమూరి అభిమానులకు ప్రేక్ష‌కులంద‌రికీ థాంక్స్ తెలియజేశారు. నేను సినీ పరిశ్రమకు వ‌చ్చి 18 ఏళ్లు అవుతుంది. ఒక హిట్ సినిమా పడిన తర్వాత రెండోసారి ప్లాప్ అయ్యేది..ఆ సమయంలో నేను చాలా కృంగిపోయేవాడిని. కానీ ఈ సారి లెక్కలు మారాయి. బింబిసార సినిమా తర్వాత అమిగోస్ హిట్ పడింది. ముందుగా నేను మా సినిమాను నిర్మించిన మైత్రీ మూవీ మేక‌ర్స్‌కు ధ‌న్య‌వాదాలు . ఎందుకంటే సాహసం చేసి కొత్త ద‌ర్శ‌కుడుతో అవకాశం ఇచ్చారు. అలాగే కొత్త పాయింట్‌ తో వచ్చిన దర్శకుడును ఎంకరేజ్ చేసి.. వ‌ర్క్ చేయించుకున్నారు. అలాగే క‌థ‌ను కూడా న‌మ్మారు. ఆ తర్వాత నా ద‌గ్గ‌రకు పంపారు. మా సినిమా దర్శకుడు లానే ఇంకా.. కొత్త ద‌ర్శ‌కుల‌ను తెలుగు పరిశ్రమకు రావాలని కోరుకుంటున్నాను.
మా ద‌ర్శ‌కుడు రాజేంద్ర గురించి చెప్పాలి…

విష‌యానికి వ‌స్తే.. నేను ప‌ని చేసిన ద‌ర్శ‌కుల్లో వ‌న్ ఆఫ్ ది బెస్ట్ డైరెక్ట‌ర్‌. ఎందుకంటే మూడు క్యారెక్టర్స్ ఉన్న‌ప్పుడు ఎక్కడో ఒక చోట చిన్న క‌న్‌ఫ్యూజ‌న్ ఉంటుంది. కానీ ఈ రోజు విజయం మంచి సమాధానం. సినిమా ఫ‌స్టాఫ్‌, సెకండాఫ్ రెండు చాలా బావున్నాయని…అల్ సెంటర్స్ లో పాజిటివ్ టాక్ వినిపిస్తుంది. మా హీరోయిన్ కు ఇది మొదటి సినిమా.. ఆషికా రంగ‌నాథ్ మొత్తానికి హిట్ సినిమాతో తెలుగు సినీ పరిశ్రమలోకి అడుగు పెట్టిందని తెలిపారు.