హీరోలు, హీరోయిన్లు తమ స్టార్ డమ్‌కు తగ్గట్లు అత్యంత ఖరీదైన వస్తువులను ఉపయోగిస్తూ ఉంటారు. ఖరీదైన దుస్తులు, వాచ్ లు, కార్లు వాడుతూ ఉంటారు. దీంతో హీరోలు, హీరోయిన్లు వాడే వస్తువుల ధరల గురించి సోషల్ మీడియాలో ఎప్పుడూ చర్చ జరుగుతూ ఉంటుంది. సెలబ్రెటీలు వాడే ప్రతి చిన్న వస్తువు గురించి కూడా చర్చ నడుస్తూ ఉంటుంది. వాటి ధరలు వేలు, లక్షల్లో ఉంటుంది.
తాజాగా ఓ హీరోయిన్ ఖరీదైన బైక్ గురించి నెట్టింట బాగా చర్చ జరుగుతోంది. మలయాళ స్టార్ హీరోయిన్ మంజు వారియర్ తాజాగా బీఎమ్‌డబ్ల్యూ బ్రాండ్‌కి చెందిన జీఎస్ 1250 బైక్ ను కొనుగోలు చేసింది. ఇండియాలో దీని ధర రూ.20 లక్షల నుంచి రూ.25 లక్షలు ఉంది. కొత్త బైక్ కొనుగోలు చేసిన సందర్భంగా సోషల్ మీడియాలో ఈ విషయాన్ని అభిమానులతో పంచుకుని సంతోషం వ్యక్తం చేసింది. దీంతో కొత్త బైక్ కొన్నందుకు ఆమెకు మిగతా సెలబ్రెటీలు, అభిమానులు శుభాకాంలు చెబుతున్నారు.
ఒక మంచి రైడర్‌గా మారాలంటే చాలా దూరం ప్రయాణించాల్సి ఉంటుందని, రోడ్డు మీద ఘోరంగా నడుపుతుంటే ఎక్కడైనా తనను చూడవచ్చని సోషల్ మీడియాలో మంజు వారియర్ పేర్కొన్నారు. తన లాంటి వారికి స్పూర్తిగా నిలుస్తున్న కోలీవుడ్ స్టార్ హీరో అజిత్ కు ధన్యవాదాలు అని మంజూ వారియర్ సోషల్ మీడియాలో పేర్కొంది.
అయితే మంజు వారియర్ ఇటీవల నెల రోజుల క్రితమే డ్రైవింగ్ లైనెన్స్ పొందింది. ఈ సమయంలో ఇప్పుడు కొత్త బైక్ ను కొనడంతో ఆమె అభిమానులు శుభాకాంక్షలు తెలుపుతున్నారు. మలయాళంలో స్టార్ హీరోయిన్ గా మంజు వారియర్ ప్రస్తుతం ఉంది. అసురన్, లూసిఫర్ సినిమాలతో మంచి పేరు తెచ్చుకుంది. ఇటీవల అజిత్ హీరోగా నటించిన తుణివు సినిమాలో కూడా నటించి మంచి పేరు తెచ్చుకుంది. తెగింపు అనే టైటిల్ తో ఈ సినిమాతో తెలుగులో విడుదల అయింది.
గతంలో అజిత్ తో కలిసి మంజు వారియర్ కొంతమంది బైకర్స్ తో యాత్ర కూడా చేపట్టారు. ప్రస్తుతం పలు సినిమాల్లో మంజు వారియర్ నటిస్తోంది. తెలుగులో కూడా ఆమె ఎంతోమంది అభిమానులను సంపాదించుకుంది.
