దిశ దశ, కరీంనగర్:
కరీంనగర్ లో సెకండ్ ఎడిషన్ మారథాన్ నిర్వహించేందుకు నిర్వాహకులు ఏర్పాట్లు చేస్తున్నారు. గత సంవత్సరం అట్టహాసంగా చేపట్టిన మారథాన్ సక్సెస్ అయిన సంగతి తెలిసిందే. ఈ సారి కూడా అదే విధంగా మారథాన్ నిర్వహించేందుకు సమాయత్తం అవుతున్నారు. ఈ మేరకు జిల్లా కలెక్టర్ పమేలా సత్పతి మంగళవారం మారథాన్ కు సంబంధించిన పోస్టర్ ఆవిష్కరించారు. ఈ కార్యక్రమంలో డీఆర్వో పవన్ కుమార్, డీవైఎస్ఓ శ్రీకాంత్ రెడ్డి, కరీంనగర్ రన్నర్స్ మరియు సైక్లిస్ట్ అసోసియేషన్ సభ్యులు పాల్గొన్నారు. కరీంనగర్ రన్నర్స్ అండ్ సైక్లిస్ట్ అసోసియేషన్, జిల్లా అధికార యంత్రాంగం నేతృత్వంలో మారథాన్ నిర్వహించేందుకు ఏర్పాట్లు చేస్తున్నారు. సెప్టెంబర్ 22న జరపతలపెట్టిన ఈ మారథాన్ లో పాల్గోనాలనుకున్న ఔత్సాహికులు తమ వివరాలను రిజిస్టర్ చేసుకోవాలని నిర్వహకులు సూచించారు. 3k, 5k, 10k , 21Kలలో మొత్తం నాలుగు కేటగిరీల్లో మారథాన్ నిర్వహిస్తున్నామని తెలిపారు. ఈ సారి స్థానిక అంబేడ్కర్ స్టేడియం నుండి ఈ కార్యక్రమం ప్రారంభం అవుతుందని వెల్లడించారు. మారథాన్ లో పాల్గొన దల్చిన వారు https://knr24.iq301.com లో సెప్టెంబర్ 11లో గా రిజిస్ట్రేషన్ చేసుకోవాలని కోరారు. ఈ మారథాన్ లో పాల్గొన్న వారికి బ్రేక్ ఫాస్ట్, హైడ్రేషన్, టీషర్ట్, మెడల్, డిజిటల్ సర్టిఫికెట్ అందిస్తామని కూడా వెల్లడించారు. మరింత సమాచారం కావల్సిన వారు 72592 65758, 81436 58008 లేదా 96764 99949 ఫోన్ నంబర్లలో కాంటాక్ట్ కావాలని సూచించారు.
