దిశ దశ. వరంగల్:
వరంగల్ నగరంలోని కూడలిలో గన్ లభ్య మైన ఘటన కలకలం లేపింది. శుక్రవారం ఉదయం ఓ ఆటో డ్రైవర్ కు గన్ దొరికినట్టుగా తెలుస్తోంది. మహా నగరంలోని ఎంజీఎం హస్పిటల్ కూడలిలో రోడ్డపై పడి ఉన్న ఈ ఆయుధాన్ని గుర్తించిన ఆటో డ్రైవర్ పోలీసులకు అప్పగించాడు. అయితే ఈ 9 ఎంఎం కార్బైన్ గన్ అక్కడ ఎలా పడి ఉంది అన్న వివరాలను పోలీసు అధికారులు సేకరించినట్టుగా తెలుస్తోంది. కాకతీయ యూనివర్శిటీ సమీపంలో ఉన్న కేంద్ర పారా మిలటరీ బలగాలకు చెందిన బెటాలియన్ ను తరలిస్తున్న క్రమంలో ఈ గన్ ఎంజీఎం చౌరస్తాలో పడిపోయి ఉంటుందని ప్రాథమికంగా నిర్దారణకు వచ్చారు. సీఆర్పీఎఫ్ జవాన్లను మణిపూర్ కు తరలిస్తున్న క్రమంలో ఓ జవాన్ కు చెందిన వెపన్ జారి పడిపోయినట్టుగా నిర్దారించారు. సంబంధిత విభాగానికి చెందిన అధికారులు ఈ గన్ ను అప్పగించారు.
