జగిత్యాల జిల్లాలో విషాదం
దిశ దశ, జగిత్యాల:
వేడుకల్లో క్యాటరింగ్ పని చేస్తూ కుటుంబాలకు చేదోడుగా నిలుస్తున్న ఆ యువకులను విధి వెంటాడింది. బుధవారం రాత్రి రోడ్డు ప్రమాదంలో గాయాల పాలౌన వీరిని ఆసుపత్రికి తరలించి చికిత్స అందిస్తున్న క్రమంలో మృత్యువాత పడ్డారు. సంఘటనా వివరాల్లోకి వెల్తే… జగిత్యాల జిల్లా మేడిపల్లి మండలం భీమారానికి చెందిన ఎండీ మోసీన్ ఖాన్, రాగోజిపేటకు చెందిన అభిషేక్, మేడిపల్లికి చెందిన వరుణ్ సందేష్ లు కొడిమ్యాలలో ఓ వేడుకలో క్యాటరింగ్ పని చేసి బుధవారం రాత్రి తిరుగు ప్రయాణం అయ్యారు. కోనాపూర్ శివార్లలో వీరు ప్రమాదానికి గురి కాగా జగిత్యాల జిల్లా కేంద్ర ఆసుపత్రికి తరలించగా ఒకరు చనిపోయారు. మరో ఇద్దరు కూడా చికిత్స పొందుతూ మరణించారు. దీంతో మేడిపల్లి మండలంలోని ఆయా గ్రామాల్లో విషాద చాయలు అలుముకున్నాయి.
