తిరుమల తిరుపతి వెంకన్న దర్శనం కోసం ఎదురు చూసే భక్తులకు టీటీడీ ఆన్ లైన్ టికెట్ బుకింగ్ విధానం అమలు చేస్తోంది. ఇందులో భాగంగా ప్రతి నెల స్పెషల్ ఎంట్రీ దర్శన్ తో పాటు వివిధ ఆర్జిత సేవలకు సంబంధించిన టికెట్లను కూడా ఆన్ లైన్ లో విడుదల చేస్తోంది. ఏప్రిల్ నెలకు సంబంధించిన స్పెషల్ ఎంట్రీ దర్శనం (SED) కోసం ఆన్ లైన్ లో బుక్ చేసుకునే అవకాశాన్ని కల్పిస్తోంది. ఈ నెల 27 సోమవారం ఉదయం 11 గంటలకు ఆన్ లైన్ లో విడుదల చేయనున్న ఈ టికెట్లను భక్తులు ఎక్కడి నుండైనా బుక్ చేసుకోవచ్చు.
