ఓ హీరోయిన్ కు మాటల మాంత్రికుడు, టాలీవుడ్ డైరెక్టర్ త్రివిక్రమ్ లైవ్‌లోనే అందరూ చూస్తుండగా ప్రపోజ్ చేశాడు. దీనికి సంబంధించిన వీడియో ప్రస్తుతం సోషల్ మీడియాలో వైరల్ గా మారింది. హీరోయిన్‌కు ఫంక్షన్‌లోనే అభిమానుల ముందు ఐ లవ్ యూ అని చెప్పేశాడు. ఈ విషయం ప్రస్తుతం ఆసక్తికరంగా మారింది.
కోలీవుడ్ హీరో ధనుష్ హీరోగా సార్ అనే సినిమా తెరకెక్కగా.. త్వరలోనే ఇది ప్రేక్షకుల ముందు రానుంది. ఈ సినిమాలో సంయుక్త మీనన్ హీరోయిన్ గా నటించగా.. వెంకీ అట్లూరి దర్శకత్వం వహించారు. ఈ సినిమాతో ధనుష్ టాలీవుడ్ కు ఎంట్రీ ఇస్తుండటంతో.. ఫ్యాన్స్ సినిమా కోసం ఆసక్తిగా ఎదురుచూస్తున్నారు. ఈ సినిమాకు త్రివిక్రమ్ భార్య సాయిసౌజన్యకు నిర్మాతగా వ్యవహరిస్తున్నారు. దీంతో తాజాగా జరిగిన ఈ సినిమా ప్రీరిలీజ్ ఈవెంట్ లో త్రివిక్రమ్ చీఫ్ గెస్ట్ గా హాజరయ్యాడు.
ఈ సందర్భంగా హీరోయిన్ సంయుక్త గురించి మాట్లాడుతూ.. ఐ లవ్ యూ అని చెప్పడంతో అందరూ ఒక్కసారిగా ఆశ్చర్యపోయారు. హీరోయిన్ కు ఐ లవ్ యు అని చెప్పగానే.. అభిమానులందరూ కేకలు, ఈలలు వేశారు. దీంతో పూర్తి చెప్పేది వినండి.. కంగారు పడకండి.. లేదండి బాబు అంటూ త్రివిక్రమ్ కాస్త కవర్ చేసే ప్రయత్నం చేశారు. ఈ వీడియో నెట్టింట హల్ చల్ చేస్తోంది. ఈ సినిమా ఫిబ్రవరి 17న విడుదల కానుంది.
ప్రముఖ టాలీవుడ్ నిర్మాత సూర్యదేవర నాగవంశీతో కలిసి సాయిసౌజన్య సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్, శ్రీకర స్టూడియోస్ బ్యానర్లపై నిర్మిస్తున్నారు. ఈ సినిమా కోసం ధనుష్ అభిమానులు ఎదురుచూస్తున్నారు. ధనుష్ సినిమా చాలా రోజుల తర్వాత ప్రేక్షకుల ముందుకు వస్తుంది. అందుకే ఈ సినిమాపై భారీ అంచనాలు ఏర్పడ్డాయి.
