గోదావరిఖని వాసులుగా గుర్తింపు
దిశ దశ, హుజురాబాద్:
కరీంనగర్ జిల్లా జమ్మికుంట మండలం బిజిగిరి గుట్ట కోనేరులో పడి ఇద్దరు మృత్యువాత పడ్డారు. దర్గా ఉత్సవాలలో పాల్గొనేందుకు పెద్దపల్లి జిల్లా గోదావరిఖని నుండి 9 మంది స్నేహితులు శుక్రవారం ఉదయం చేరుకున్నారు. వీరంతా స్థానిక కోనేరులో స్నానం చేసేందుకు వెళ్లగా వారిలో ఇద్దరు గల్లంతయ్యారు. సమాచారం అందుకున్న రెస్క్యూ టీం ఘటనా స్థలానికి చేరుకుని గల్లంతయిన వారిని రక్షించే ప్రయత్నం చేసినా ఫలితం లేకుండా పోయింది. ఈ ఘటనలో గోదావరిఖని విఠల్ నగర్ కు చెందిన పోలంపల్లి సాయి కుమార్ (24) జ్యోతీనగర్ కు చెందిన అయిందాల శ్రీనాథ్ (19)లు మరణించారు.
