ఇప్పటికే ఎన్నో వైవిద్యమైన కార్యక్రమాలకు శ్రీకారం చుట్టిన పోస్టల్ డిపార్ట్ మెంట్ తాజాగా మరో కొత్త సేవలకు శ్రీకారం చుట్టింది. తాజాగా భక్తుల వద్దకే భద్రాద్రి రామయ్య తలంబ్రాలు అందిస్తామని ప్రకటించింది. ఇందుకు భక్తులు సమీపంలోని పోస్ట్ ఆఫీసుల్లో సంప్రదించినట్టయితే స్పీడ్ పోస్ట్ ద్వారా భద్రాద్రి సీతారాముల కళ్యాణం తలంబ్రాలు ఇంటికే చేరవేస్తామని పోస్టల్ కరీంనగర్ డివిజిన్ పోస్టల్ సూపరింటిండెంట్ వె వెంకటేశ్వర్లు ఓ ప్రకటనలో తెలిపారు. శ్రీరామ నవమి సందర్భంగా భద్రాచలం సీతారాముల కళ్యాణ అంతరాలయ అర్చన తలంబ్రాలకు రూ. 450 చెల్లించాలని, ముత్యాల తలంబ్రాలకు రూ. 150 చెల్లించాల్సి ఉంటుందని వెల్లడించారు. భద్రాద్రికి వెళ్లలేని భక్తులు ఈ అవకాశాన్ని వినియోగించుకోవాలని కోరారు. ఆన్ లైన్ లో బుక్ చేసుకునే వారు http://eshop.tsposts.inలో ఆర్డర్ చేయవచ్చని ఎస్పీ వెంకటేశ్వర్లు తెలిపారు.
